Génesis 11:7 - Cofán: Chiga Tevaen'jen

⁷ Jinge andepa tise'pa aya'fama ccaningae cambiamba qqueñañe cuintsu poiyi'cco tisupapora ñotsse pañambe'yi can'faye.”

Génesis 11:7 ပူးပေါင်းရင်းမြစ်များ

Génesis 1:26

Avujatssipa su: “Jinge a'ive agattoeñe. Nane ingi'caeñi agattoeña'cho cuintsu tiseja na'en'su avuma, sefani'su chhiririama, aiña'cho vaura'can'ma'qque mandaye. Nane pa'cco andema, osha'cho andeni manguqque'suma'qque mandaye.”

Génesis 10:20

Tsendeccuja Cam omba'su dutssiyendeccu tsu. Poiyi'cco tsu tisupa andeni can'jemba tisupa aya'fangae afa'je'fa.

Génesis 10:32

Poiyi'cco tsendeccu tsu Noé omba'su dutssiyendeccu. Nane tise dutssiyendeccumbe dushundeccuma agattopa tevaen'cho tsu. Tise'pa can'jen'cho andema tevaen'cho tsu. Nane na'en andema piccopa sambasi tsu tsa'caen atapapa poi andenga japa attufa'fa.

Génesis 10:5

Tsendeccuja Jafet dutssiyendeccu tsu mar otafani can'jen'fa. Poiyi'cco tsu tisupa andeni can'jemba tisupa aya'fangae afa'je'fa.

Génesis 11:5

Tsa'ma Na'su Chigaja a'i ñoña'cho canqquema atteye ande. Toya'caen tsu a'i ñoña'cho se'fatssia tsa'oma atteye in'jan.

Génesis 3:22

Ondiqquiamba asi'ttaemba su: —Ja'ño tsu a'ija ingi'caeñi da. Nane pa'cco ñotssia, pa'cco egave tsu atesu. ¿Jongoesu tsu tisema se'piya tsa Cansiaña'cho Quini'cco'su nama'qque añe? Tsama an'choecan'da tsu tsangae canseye'can.

Génesis 42:23

Tsendeccuja atesu'fambi José tise'pa hebreo aya'fangae su'je'choma paña'jen'chove. Nane Joséja egipto'su aya'fangae afasi tsu faesu a'i poi aya'fama pañamba afa'su tise'panga conda'je.

Salmos 2:4

Na'su Chigaja sefacconi can'jemba tsendeccuma feña.

Éxodo 4:11

Moisés tsa'caen susi Na'su Chigaja su: —¿Majan tsu a'inga aya'fave antte? ¿Majan tsu tson fae'cco tsosinambive faesu ayafambive? ¿Majan tsu tson fae'cco atte'je'chove faesu binime? ¿Ñambi ti gi?

Isaías 6:8

Tsonsi gi paña Na'su Chiga aya'fa qquen su'choma: “¿Majama gi moeña? ¿Majan tsu ingine afa'suve dapa jaya?” Pañamba gi su: “Ña gi can'jen. Ñama moejan.”

1 Corinto'su 14:23

Tsa'ma tsa'cansi poiyi'cco Cristove in'jan'chondeccu bopa ccaninga aya'fangae afa'je'fa'ni cca'i Cristove in'jambindeqquia ca'nimba paña'da ¿jongoa qquen tsu asi'ttaemba su'faya? Nane poiyi'cco sumbie dapa afa'je'fa qquen tsu in'jan'faya.