Génesis 1:28 - Cofán: Chiga Tevaen'jen

²⁸ Agattoemba tise'pama ñotsse afapa su: “Ñotsse canse'pa atapa'faja cuintsu pa'cco ande on'batssiye. Nane pa'cco andeni can'jemba osha'choma patsupa manda'faja. Na'en'su avu, sefani'su chhiriria, osha'cho andeni canseqque'suma'qque patsupa manda'faja.”

Génesis 1:28 ပူးပေါင်းရင်းမြစ်များ

Génesis 1:22

Avujatssipa tise'pama ñotsse afapa su: “Ñotsse canse'pa atapa'faja cuintsu na'en on'batssiye. Chhiriria'qque atapapa poi andeni can'jen'faja.”

Génesis 17:16

Ñajan tisema ñotsse tsoñe in'jamba gi du'shuve tisenga afeya. Ju, ñoa'me gi tisema ñotsse tsoña. Tise tsu tsain'bitssi aindeccumbe mamaña. Nane tise omba'su dushundeccu tsu tsain'bio ande'su nasundeccuve dapa manda'faya.

Génesis 17:20

Toya'caen tayo gi paña que Ismaelne in'jan'choma. Tsane'qque gi ñotsse tsoña. Tisei'ccu'qque gi tsain'bitssi du'shuve atapoeña. Tise omba'su dutssiyendeccu'qque tsain'bitssi'faya tsu. Nane Ismael tsu doce ti'tsse'tssia nasundeccumbe quitsaya. Tisei'ccu gi fae rande ande'su aindeccuve atapoeña.

Génesis 24:60

Tsa'caen moe'jemba qquen Rebecama ñotsse afa'fa: “Que ingi antianjan ¡tsain'bitssi aindeccumbe chanme qui daya! ¡Que omba'su dushundeccu tsu poiyi'cco que enemigondeccu canqquema patsu'faya!”

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 33:5

I'na pasapa Esaúja pushesundeccu, dushundeccuma'qque attepa iñajampaña: —Vandeccuja, ¿ma'candeqquia tsu? Tsonsi Jacobja su: —Chiga quema shondo'suma ñotsse in'jamba afe'cho dushundeccu tsu.

Génesis 49:25

José, ¡ñotssi tsu que yaya'yembe Chiga! Tsa tsu quema fuiteya. Tsa Chiga Osha'choma Oshacho'cho tsu quema ñotsse tsoña'chone afaya. ¡Nane sefaccone tsu quema ñotsse tsoña! ¡Mar tsosine'qque tsu quema ñotsse tsoña! Toya'caen quema ñotsse tsonsi tsu que'su pushesundeccuja tsain'bio du'shuve isupa chochoemba coeña'faya.

Génesis 5:2

Toya'caen tsu tsandie, pushesuve agattoen. Agattoemba tise'pama ñotsse tsoña'chove afapa a'ive inisian.

Génesis 6:1

Aindeccuja poi andenga atapapa pushesu du'shuve'qque an'bian'fa.

Génesis 8:17

Toya'caen que'i'ccu can'jen'cho poiyi'cco cansian jincho'choma somboenjan. Nane chhiriria, andenga jacanqque'su, andenga manguqque'suma'qque somboenjan cuintsu pa'cco andenga japa dundutssia've atapaye.”

Génesis 9:1

Chigaja Noé, tise dutssiyendeccuma'qque ñotsse tsoñe in'jamba qquen su: “Pa'cco andeni japa can'jemba atapa'faja.

Génesis 9:7

Tsa'ma que'ija poi andenga japa tsain'bio du'shuve isupa ñotsse atapa'faja.”

Job 42:12

Nane osefa'poe tsu Chigaja Jobnga tayoema ti'tsse afe. Osefa'poe tsu catorce mil oveja, seis mil cameyo, dos mil qquitssa'je'cho vaura, toya'caen mil boroma'qque an'bian.

Salmos 69:34

¡Chiga Quitsama ñotsse afa'faja! ¡Nane sefacco, ande, mar, poiyi'cco tsani can'jensundeccu'qque tisema ñotsse afa'faja!

Salmos 8:6

Toya'caen qui tisema ccutsian pa'tssi que agattoen'choma mandaye. Nane tiseja osha'chone na'su tsu.

Salmos 8:7

Pa'cco oveja, pa'cco sema'su vaura, pa'cco tsampini jacanqque'su'qque tisema paña'fa.

Levítico 26:9

Ña que'ima ñotsse in'jansi qui ti'tsse atapa'faya. Nane aqque'paya'bi gi ña que'i'ccu injancco'choma.

1 Timoteoga 4:3

Atesiamba tsu tsandiema pusheye se'pi'fa. Majan aña'choma'qque an'masia qquen tsu atesian'fa. Tsa'ma Chigaja osha'cho anqque'suma afe Tise've in'jamba Tise tansintsse su'choma paña'chondeccunga cuintsu amba Tisema ñotsse afa'faye.