Génesis 1:26 - Cofán: Chiga Tevaen'jen

²⁶ Avujatssipa su: “Jinge a'ive agattoeñe. Nane ingi'caeñi agattoeña'cho cuintsu tiseja na'en'su avuma, sefani'su chhiririama, aiña'cho vaura'can'ma'qque mandaye. Nane pa'cco andema, osha'cho andeni manguqque'suma'qque mandaye.”

Génesis 1:26 ပူးပေါင်းရင်းမြစ်များ

Génesis 11:7

Jinge andepa tise'pa aya'fama ccaningae cambiamba qqueñañe cuintsu poiyi'cco tisupapora ñotsse pañambe'yi can'faye.”

Génesis 2:19

Tsa'caen in'jamba Na'su Chigaja tayo andema osha'cho ande'ye jacanqque'su, sefa'ye chhajeqque'su chhiririave'qque ñoña'choma tsandienga i. Ipa tsandiema manda cuintsu osha'chove inisiañe. Tsa'cansi osha'cho tsu tsandie tise'pama inisianqquia'caen tsangae jincho.

Génesis 3:22

Ondiqquiamba asi'ttaemba su: —Ja'ño tsu a'ija ingi'caeñi da. Nane pa'cco ñotssia, pa'cco egave tsu atesu. ¿Jongoesu tsu tisema se'piya tsa Cansiaña'cho Quini'cco'su nama'qque añe? Tsama an'choecan'da tsu tsangae canseye'can.

Génesis 5:1

Va tsu Adán omba'su dutssiyendeccumbe inisema tevaen'cho. Chigaja a'ima agattoemba tsu tisia'caen agattoen.

Génesis 9:6

Majan faesu a'ima fi'tti'ninda faesu a'i tsu tsama'qque fi'ttiya. Nane Chiga tisia'caen a'ive agattoen'choma fi'ttipa tsu tsa'caen paya.

Isaías 6:8

Tsonsi gi paña Na'su Chiga aya'fa qquen su'choma: “¿Majama gi moeña? ¿Majan tsu ingine afa'suve dapa jaya?” Pañamba gi su: “Ña gi can'jen. Ñama moejan.”

Juan 14:23

Jesúsja pañamba Judasnga su: —Majan ñama ñotsse in'jan'da tsu ña aya'fama pañaña. Ña Quitsa'qque tsamajan ñotsse in'jaña. Nane ñajan ña Quitsai'ccu gi tise injama'chonga jipa can'jen'faya.

Juan 5:17

Tsa'ma Jesúsja tise'pama su: —Ña Yaya ja'ño pan sema'jensi gi ña'qque sema'jen.

Tson'fa'cho 17:20

Nane ñoa'me qui ccaningae atesian'jen. Minguite'qque gi ingija tsa'caen paña'fambi. Tsa'camba gi ñotsse pañañe in'jan'fa jongoesune tsu va atesian'choja su.

Tson'fa'cho 17:26

Tise tsu fae a'i'ccu poiyi'cco a'ima atapoen cuintsu poi andeni japa canse'faye. Tise tsu antte ma'ttinga a'i cansepa, toya'caen minga'ni'qque cansepa

1 Corinto'su 11:7

Chigaja Tisuma'caen tsandieve agattoen cuintsu Chiga ñotssiama canjaeñe. Tsa'cansi tsandieja tsovenga ontsiambe'yi Chiga ñotssiama canjaeña'cho. Tsa'ma Chigaja pushesuve agattoen tsandie ñotssiama canjaeñe.

2 Corinto'su 3:18

Tsa'cansi gi poiyi'cco cambajuma fanangombe'yi canccoa'caen Na'su a'tatssia'ma attepa canjaen'fa. Ingi'qque Tisia'caen a'tatssia've gi da'fa. Ja'ño re'ricco a'tatssia've dapa jai'ngae gi ti'tsse tisia'caen a'tatssia've da'faya. Nane Na'suve in'jansi Tise Qquendya'paja tsa'caen in'jaemba ingima ñotsse tson'jen.

2 Corinto'su 4:4

Nane va ande'su na'su Satana tise'pa injama'choma fanangoen tansintsse paña'fasa'ne. Binie daqquia'caen a'tatssia Cristone ñotsse condase'choma in'jan'fambi. Cristoja Chigai'ccu fae'ngatssipa Chigama inginga a'tatsse canjaensi tsendeccuja atteye oshambipa in'jan'fambi.

Efeso'su 4:24

Cuna ondiccu'jema ondiccuqquia'caen cuna a'ive qui da'faya'cho. Va cuna injama'choja Chiga in'janqquia'can tsu cuintsu que'i Tisia'caen ñotsse tson'faye. Tsa injama'choja ñoa'me egave mechosi qui tansintsse ñotssiaveyi in'jamba canse'faya'cho.

Colosa'su 1:15

Chiga Quitsaja atte'masia. Tsa'ma Jesúsja tsa'suyi tsu. Toya andeve aga'ttoembi'te Jesúsja canse.

Colosa'su 3:10

Cuna ondiccu'jema ondiccuqquia'caen qui cuna a'ive da'fa. Cuna a'ive dapa qui que'ima agattoen'su Chigave ti'tsse in'jamba ti'tsse Tisia'caen da'ña'cca'fa.

Santiago 3:7

A'ija osha'choma aiñañe osha'fa. Nane osha'cho ande'ye jacanqque'su, sefani chhajeqque'su, ande'ye manguqque'su, marni can'jenqque'suma'qque tayo tsu aiña'fa.

Santiago 3:9

Ingi aya'fai'ccu gi Na'su Chiga Quitsanga ñotsse afa'fa. Toe aya'fai'ccu gi Chiga tisuma'caeñi agattoen'cho a'ima egae afase'fa.

1 Juan 5:7

Chiga Qquendya'pa'qque Jesúsne conda. Tsaja tansintsse conda'su.