Filipo'su 3:1 - Cofán: Chiga Tevaen'jen

¹ Ja'ño faengasundeccu, Na'suve in'jamba avujatssi'faja. Tayo qquen tevaemba quimbiya'bi gi ccase que'inga tsa'caen tevaeñe. Ñotssiya tsu que'i ccase vama pañañe.

Filipo'su 3:1 ပူးပေါင်းရင်းမြစ်များ

Salmos 32:11

Que'i ñotsse da'chondeccu avujatssi'faja. Avujatssipa Na'suma ñotsse afa'faja. ¡Nane ñotsse afapa avujatsse fundo'je'faja!

Salmos 37:4

Na'suma ñotsse in'jamba avujatssija. Nane tsa'caen avujatssisi tiseja que injama'cho tsosipie in'jan'choma quenga afeya.

Salmos 5:11

Tsa'ma poiyi'cco majan queve in'jamba quenga ca'nimba can'jendeccuja avujatssi'faya'cho. Tsangae tsu avujatsse settapoen'jen'faya'cho. Tise'pama piccoqquia'caen coiraja cuintsu que inisema in'jan'chondeccuja quei'ccu avujatssi'faye.

Salmos 97:1

¡Avuja'faja, poi ande'su aindeccu! ¡Avuja'faja, poi anttepo'choni can'jensundeccu! ¡Na'su Chigaja ñoa'me Na'su tsu!

Joel 2:23

“¡Avujatssi'faja, Zión canqque'su aindeccu! ¡Na'su que'i Chigave in'jamba avujatssi'faja! Na'suja unjima tise tuite tuiñaqquia'caen ñotssiave atesian'suma moeña. Nane tayoe'caen tsu sanfan'su unjin toya'caen coejefa'su unjima'qque tise tuiyaqui tuiña.

Mateo 5:12

Nane avujatsse can'jen'faja. Chiga sefacconi qui tsain'bitssia'ma isu'faya. Que'ima afaseqquia'caen tsu tayopi'su a'i'qque que'ima otien'su Chiga Aya'fama afasundeccuma'qque afase'fa.

Lucas 1:47

Chiga ñama ccushaen'su can'jensi tsu ña qquendya'pa'qque avujatssi.

Romanos 5:11

Toya'caen Na'su Jesucristove in'jamba gi avujatsse Chigama ñotsse afa'fa. Nane Jesús tsu ingine Chiga Quitsama ñoquian'su.

2 Corinto'su 13:11

Tsangaeyi gi que'ima chigambiamba antte. Avujatssi'faja. Cristove ti'tsse in'jamba tise in'janqquia'caen canse'faja. Ña tevaen'jema ñotsse camba ñoqui'faja. Tisupaporai'ccu fae'ngae injanccopa opatsse canse'faja. Chigaja ñotsse tsu injancho. Poiyi'cco opatsse canse'faye tsu in'jan. Tsa'caen in'jansi que'i tsa'caen canse'fa'ninda tsu Tise'qque que'i'ccu can'jeña.

Efeso'su 6:10

Ja'ño faengasundeccu, Na'su Cristoi'ccu fae'ngae jinchosi tise que'ima quiñaensi tise quin'sui'ccu canse'faja.

Filipo'su 3:3

Injanga ttonoma chhiyitevaen'da gi Chiga dushundeccuve da'fambi. Tsa'ma injama'choi'ccu Cristo Jesúsve in'jamba gi ñoa'me Chiga dushundeccuve dapa avujatssi'fa. Chiga Qquendya'pa ingima in'jaensi gi Chigama iñajamba Tisene ñotsse afa'fa.

Filipo'su 4:4

Na'suma in'jamba avujatsse canse'faja. Ccase gi su, avujatssi'faja.

Filipo'su 4:8

In'jan'chondeccu, ja'ño osefaeñe gi que'ima afa'je: tansintsse su'choma ñotsse in'jan'faja. Ñotsse in'jamba jincho'choma'qque ñotsse in'jan'faja. Tansintsse tson'choma, egae jinchombi'choama, ñotsse in'janqque'suma, toya'caen poi a'i ñotssiave condase'fa'choma, ñotsse in'jan'faja. Osha'cho ñotssiama, osha'cho Chiganga ñotsse afaqque'suma ñotsse in'jan'faja.

1 Tesalónica'su 4:1

Toya'caen Na'su Jesús ñama in'jaensi gi que'inga ñoa'me condapa candusian'jen. Ingija que'ima conda'fa ma'caen canseye cuintsu Chigaja suye “Que'i'qque ñotssia.” Tsa'caen qui ja'ñojan canse'fa. Tsa'ma ti'tsse tsu tsa'caen ñotsse canseya'cho.

1 Tesalónica'su 5:16

Poi a'ta avuja'tssi'faja.

Santiago 1:2

Ña faenga'su Cristove in'jan'chondeccu, osha'chone vana'je'an'qque avujatssi'faja.

1 Pedro 3:8

Tsangaeyi gi su, poiyi'cco que'i fae injama'choa'caeñi tisupapora mendeyecco'faja. Nane antiama in'janqquia'caen ñotsse injancco'faja. Que'i in'jan'choma anttepa faesuma fuiteye in'jan'faja.

1 Pedro 4:13

Tsa'ma ma'caen Cristo vana'jenqquia'caen vana'jen'da avujatssi'faja. Jai'ngae Cristo tise osha'cho ti'tsse'tssia'ma attiansi que'i'qque tisema attepa ñoa'me injama'cho tsosipie fae'ngae avujatssi'faya.

2 Pedro 3:1

Ña in'jan'chondeccu, ja'ñoi'ccu dos se gi que'inga tevaen. Poiyi'jenga gi candusian'jen que'ima in'jaeñe in'jamba.

1 Samuel 2:1

Toya'caen Ana'qque Chigama iñajamba settapoen.