Filipo'su 2:8 - Cofán: Chiga Tevaen'jen

⁸ Tsa'caen a'ive dapa can'jemba Chiga in'jan'choma pañamba tisuma antte ti'tsse bove'ccoe dapa egae tsincon'sia'caen paye. Nane bove dyo'tsse egae tsincon'sia'caen tsu avuja'cconga pa.

Filipo'su 2:8 ပူးပေါင်းရင်းမြစ်များ

Salmos 22:16

Ain shoquendi'e catseqquia'caen tsu ega aindeccuja ñama ttu'fa. Nane ttupa tsu ña tive, tsu'ttema'qque canshaen'fa.

Mateo 17:2

Tseni ansundepa tsendeccu camboen'jen'ni Jesús ccaningae tsu da. Tise camba'ju coejechiga'caen a'tatsse chanjun. Tise ondiccu'je'qque chhariccotssia tototssia've tsu da.

Mateo 26:39

Qquen supa ti'tsse jocca'tticcoe japa camba'jui'ccu andenga amppi ccuipa Chigama iñajan: —Ña Yaya, Chiga Quitsa, Que osha'ta va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.

Mateo 26:42

Tsomba ccase Jesús japa Chigama iñajan: —Ña Yaya, ña vanaña'choma joqquitssiañe oshambi'ta antteja cuin'qque ña vanañe. Que in'janqquia'caen tsonjan.

Lucas 9:29

Jesús Chigama iñajansi tsu tise cambajuja ccaningae da. Tise ondiccu'je'qque chhariccotssia totoave da.

Juan 10:18

Ña in'jambian'da faesuja ñama fi'ttiye in'jan'ma oshambi. Ñajan oshacho –paye in'jan'da paya– ccase qquendyaye in'jan'da qquendyaya. Tsa'caen tsu ña Yayaja ñama manda.

Juan 14:31

ña Quitsa mandaqquia'caen gi tsoña cuintsu ñame in'jambindeqquia ña Chiga Quitsama in'jan'chove atesu'faye. Jangi'fa'se. Jinge jaye.

Juan 15:10

Ñajan ña Yaya manda'choma pañamba tsomba gi Tise in'jan'cho. Tsa'caen que'i'qque ña manda'choma pañamba tson'da qui ña in'jan'chondeccu.

Juan 4:34

Tsa'ma Jesúsja inginga su: —Ñama moen'su in'jan'choma naniñangae tsoñe tsu ñama quiñaeña panma anqquia'caen.

Tson'fa'cho 8:33

Cca'indeccuja tisema patsupa ñoa'me su'choma tta'tta'fambi. ¿Majan tsu tise a'ine condaseya? Nane tisema fi'ttisi tsu tsangae va ande'ye ja.

Romanos 5:19

Nane fae a'i Chigama ñotsse pañambisi tsain'bio a'i egae tsinconsundeccuve da'fa. Tsa'ma faesu a'ija Chigama ñotsse pañasi tsain'bitssia a'i Chigane ñotssiave da'fa.

2 Corinto'su 8:9

Atesu'fa qui ingi Na'su Jesucristo ñoa'me osha'choma an'biamba tsama catipa mechoave da que'ima fuiteye. Tsa'caen tsu tson cuintsu tiseja me'ccoe dasi que'ija osha'choma an'bian'faye.

Galacia'su 3:13

Majañi'qque naniñe oshaya'bipa poiyi'cco tsu Chigane shacapapa catiye'faya'cho. Tsa'ma Cristoja tsa shacama tisunga isu, Chiga Tevaen'jen suqquia'caen, “Quini'cconga dusiamba fi'tti'cho a'ita tsu catiya'cho.”

Deuteronomio 21:23

antte'fajama pa'chombe ai'vo tsequi cose tsani duseye. Nane tsequi a'tayi tsu a'tuya'cho, Na'su, que'i Chiga, que'inga afepa an'biaña'cho andema dañosa'ne. Nane poiyi'cco majan quini'cconi duse'fa'choja, Chiga iyicca'yesi tsangae catiye'cho tsu.

Titonga 2:14

Tise tsu tisuma afepa pa ingima ccushaeñe osha'cho egae tsincon'cho'ye. Ingima tsu ccushaen cuintsu tise a'ive dapa egae tsincon'chove mecho canse'faye. Ñoa'me ingija tise aindeccupa gi ñotsse tsoña'chove in'jamba canse'fa.

Hebreo'su 12:2

Nane Jesúsja ingima tsu canjaen ma'caen canse'faye. Tise can'jen'chove in'jamba gi ma'de'faya'cho. Nane tiseja ingima ccushaemba ingima atesian'su tsu. Tiseja in'jangae tsincon'sia'caen avuja'cconga pa. Tsa'ma ansangembe'yi tsa'caen pa ingima ccushaeñe. Jai'ngae ingi'ccu avujatssiya qquen in'jamba tsu tsa'caen vana. Vanamba papa Chiga sefacconi japa na'suve dapa Chiga tansinfani dyaipa manda'je.

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.

1 Pedro 3:18

Jesucristoyi tsu ingi egae jincho'chone vanamba pa. Fae seyi tsu pa poiyi'cco a'ine. Tiseja ño'amba ingi ño'ambindeqquiane pa ingima Chiganga catsiañe. Nane tise ai'vo pa'ni'qque tise qquendya'paja toya canse.