Éxodo 9:28 - Cofán: Chiga Tevaen'jen

²⁸ Panshaen tsu tsanda toya'caen tsandapandaqui ingima vanae'jen. Tsa'cansi gi ti'tsse que'ima sepi'jeye in'jambi. Nane Na'su Chigama ingine iñajansi gi que'i jaye antteya.

Éxodo 9:28 ပူးပေါင်းရင်းမြစ်များ

Éxodo 10:17

Tsa'camba gi iñajan ja'ñoñi'qque ña egae tsincon'chone aqque'papa ñane Na'su Chigama iñajan'faja cuintsu va tsangae fi'ttiqque'su paqque'suma ña'ñe joqquitssiañe.

Éxodo 10:24

Tsonsi faraónjan Moisésve ttu'senga'faye manda. Tise jisi qquen su: —Que'i dushundeccui'ccu japa que'i Na'su Chiganga iñajan'faja. Tsa'ma que'i oveja, que'i vaurama'qque vani catija'faja.

Éxodo 10:8

Tsonsi faraónjan ccase Moisés toya'caen Aarónme ttu'senga'faye manda. Tise'pa jisi qquen su: —Japa que'i Na'su Chigama iñajan'ga'faja. Tsa'ma toya jambite ñanga condaja majan majan qui ja'faya.

Éxodo 11:1

Tsa'ma toya sombo'fambi'te Na'su Chigaja Moisésnga qquen su: —Ccase gi faesu paqque'suma faraónga toya'caen poiyi'cco egiptondeccunga moeña. Tsa'caen tsonsi faraónjan que'i tisupatsse jaye anttembi'ma tise'yi tsu que'ima va ande'ye tteya moeña.

Éxodo 8:25

Tsonsi faraónjan Moisés toya'caen Aarónme ttu'senga'faye manda. Tise'pa jisi qquen su: —Japa que'i Chiganga oque oraemba afeja. Tsa'ma va ande'ye sombombe'yi can'faja.

Éxodo 8:28

Tsa'caen susi faraónjan su: —Antteya gi que'i a'i menia japa Na'su que'i Chiganga oque oraemba afe'faye. Tsa'ma in'jambi gi que'i panshaen biani ja'faye. Toya'caen ñane'qque que'i Chigama iñajan'faja.

Éxodo 8:4

Nane sapoyi tsu buttotto'o shequeya que'ye, quema shondosundeccu'ye toya'caen poiyi'cco que aindeccu'ye'qque.’

Éxodo 8:8

Tsama attepa faraónjan Moisés toya'caen Aarónme ttu'senga'faye manda. Tise'pa jisi qquen su: —Na'su Chigama iñajan'faja cuintsu ña'ñe toya'caen ña aindeccu'ye sapoma joqquitssiañe. Tsa'caen tsonsi gi que aindeccuma antteya cuintsu japa Na'su Chiganga oque oraemba afe'faye.

Números 21:7

Tsa'caen pa'je'fasi Moisésni japa qquen su'fa: —¡Na'su Chiga toya'caen quema'qque afasepa gi ñoa'me egae tsincon'fa! ¡Na'su Chigama iñajanjan cuintsu ingi'ye iyoma joqquitssiañe! Tsa'caen su'fasi Moisésja Na'su Chigama iñajan cuintsu israendeccu egae tsincon'choma aqque'paye.

Tson'fa'cho 8:24

Qquen susi Simónjan su: —Na'su Chigama iñajan'faja ñane que suqquia'caen ña dasa'ne.