Éxodo 9:24 - Cofán: Chiga Tevaen'jen

²⁴ Tsandapandaqui tsa'caen amppi'jesi tsanda'qque veyaemba oque'je. Nane tseyi Egipto andeve ashaente ja'ñoa'ngae tsa'cantssi tsandapandaquija amppipa cansembi.

Éxodo 9:24 ပူးပေါင်းရင်းမြစ်များ

Salmos 105:32

Unjinjan tsandapandaquive dapa amppisi tsanda'qque veyaemba pa'cco andema oque.

Éxodo 10:6

Pa'cco que tsa'onga quema shondosundeccumbe tsa'onga toya'caen poi egiptondeccumbe tsa'onga'qque tsu ttombuyi on'baya. Nane minga'ni'qque que yayandeccu, que yaya ccasheyendeccu'qque tsa'cantssia'ma attepa pa'fambi.’ Tsa'caen afa nanimba Moisésja piyipa faraón tsa'o'ye sombopa ja.

Éxodo 9:18

Que'i tsa'caen in'jan'ninda gi tu'ija qquia'ni mandaya cuintsu rande tsandapandaqui amppi'faye. Nane tseyi Egipto andeve ashaente ja'ñoa'ngae tsa'cantssi tsandapandaqui amppimbi.

Éxodo 9:23

Tsa'caen mandasi Moisésja tise tivema sefacconingae yasasi Na'su Chigaja tsandama afaen. Nane tsanda veyaemba afasi tsandapandaquija pa'cco Egipto andenga amppi'fa.

Éxodo 9:25

Tsa'caen tsu tsandapandaquija pa'cco egipto andeni osha'cho jinchoma metsse sefaen. Nane aindeccu, tise'pa aiña'cho toya'caen pa'cco tise'pa nasipama'qque metsse sefaen. Toya'caen pa'cco tsa ande'su quini'jima ucca'sho sefaen.

Mateo 24:21

Nane sanfainte, sema'ma'qquia a'ta tsesu a'ta napi'ninda ñoa'me tsu a'i ti'tsse vana'faya. Nane andeve agattointe ashaen'cho ja'ño'qque a'ija tsa'caen vana'fambi. Jai'ngae'qque a'i tsa'caen ccase vana'faya'bi.