Éxodo 8:32 - Cofán: Chiga Tevaen'jen

³² Tsa'ma tsa'caen joqquitssiansi faraónjan ccase iyicca'yepa se'pipa israendeccu jaya'chove anttembi.

Éxodo 8:32 ပူးပေါင်းရင်းမြစ်များ

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 8:15

Tsa'ma tsa'caen tise vana'jen'choma vuiquiansi faraónjan ccase iyicca'yepa se'pipa Moisés toya'caen Aarón su'choma pañañe in'jambi ma'caen Na'su Chiga suqquia'caen.

Éxodo 8:31

Chigaja Moisés iñajanqquia'caen tson. Nane tenqquen'choma tsu joqquitssian faraón'ñe, tisema shondosundeccu'ye toya'caen tise aindeccu'ye'qque. Nane ni fae tenqquen'choyi'qque jinchombitssi.

Éxodo 8:8

Tsama attepa faraónjan Moisés toya'caen Aarónme ttu'senga'faye manda. Tise'pa jisi qquen su: —Na'su Chigama iñajan'faja cuintsu ña'ñe toya'caen ña aindeccu'ye sapoma joqquitssiañe. Tsa'caen tsonsi gi que aindeccuma antteya cuintsu japa Na'su Chiganga oque oraemba afe'faye.

Éxodo 9:7

Tsama pañamba faraónjan manda cuintsu israendeccu aiña'choma japa can'ga'faye. Tsa'caen can'gapa tsu in'jan'fa ñoa'metsse fae'ccoyi'qque pambi'choa've. Tsa'caen atte'ma ti'tsse iyicca'yepa se'pipa israendeccu jaye anttembi.

Romanos 2:5

Tsa'ma que'i injama'cho tsu shacapa que'i egae tsincon'choma chi'gapa Chiganga ji'faye. Tsa'can'fasi Chiga Quitsa tsequi vanaña'cho a'ta a'i injama'choma tansintsse somboe'ninda qui ti'tsse shacapapa vana'faya.