Éxodo 8:19 - Cofán: Chiga Tevaen'jen

¹⁹ Tsa'caen dasi mágicondeccuja faraónga su'fa: —Vata tsu Chiga tson'cho. Tsa'ma faraónjan iyicca'yepa se'pipa tsa'caen tson'choma in'jambi ma'caen Na'su Chiga suqquia'caen.

Éxodo 8:19 ပူးပေါင်းရင်းမြစ်များ

Génesis 41:24

Tsa na'si samba tsu siete na'si me'detssiama an'fa. Pa'cco va ña ayo'o'choma gi jai'ngae ma'caen daya'chove condasundeccunga condase. Tsa'ma majañi'qque tsu tsa ayo'opa in'jan'choma condaye osha'fambi.”

Salmos 8:3

Sefaccoma camba gi atte que agattoen'choma. Nane cose'suchiga, o'fe'qque que agattoen'cho tsu. Tsama attepa gi qquen in'jan:

Éxodo 10:23

Nane tsa'caen dasi tres a'ta pa'cco majañi'qque tisupapora atteye osha'fambi ni ccani jacañe'qque osha'fambi. Mapán tsa'caen da'je'ni'qque poiyi'cco israendeccumbe tsaonijan a'tatsse jincho.

Éxodo 10:7

Tsonsi faraónma shondosundeccuja faraónga qquen su'fa: —¿Mi'nge'e qui tsa a'i'ccu iyiccopani canseye in'jan? Antteja, Ti'tsse'tssia, cuintsu tise aindeccui'ccu japa Na'su tise'pa Chigama iñajan'faye. Ti'tsse'tssia, ¿injiengembitssi ti qui pa'cco egiptoni jincho'cho dañongepa sefaji'ni'qque?

Éxodo 11:7

Mapán tsa'caen da'je'ni'qque israendeccunijan, ainjan shendya'jepa i'na'faya'bi a'i ni tise'pa aiña'cho'qque. Tsa'caen tsu Na'su Chigaja canjaeña cuintsu israendeccuja egiptosundeqquiacan'fambi qquen in'jan'faye.

Éxodo 7:13

Tsa'caen tsonsi attepa faraónjan iyicca'yepa ñoa'me se'pipa tise'pa su'choma pañañe in'jambi, Na'su Chiga ma'caen suqquia'caen.

Éxodo 7:4

Faraónda tsu que'i su'choma pañaña'bi. Tsa'ma ña gi pa'cco ña oshacho'choma Egipto andenga ttova shequianqquia'caen canjeña. Nane ñoa'me egae daqque'sui'ccu gi egiptondeccuma dyoñamba ña sundarondeccuma somboeña, tsa Israel ña aindeccuma.

Éxodo 7:5

Tsa'caen ña oshacho'choma Egiptoni canjaemba, israendeccuma somboensi tsu ñama Ñoa'me Na'su qquen egiptondeccuja in'jan'faya.

Éxodo 9:26

Mapán tsa'caen da'je'ni'qque israendeccu can'jen'cho Gosén andenijan ni fae tsandapandaquiyi'qque amppimbi.

Éxodo 9:4

Tsa'ma israendeccuja egiptosundeqquiacan'fambisi tsu Na'su Chigaja israe'su aiña'chondeccuma antte cuintsu fae'ccoyi'qque pambe can'faye.’

Daniel 2:19

Tsequi cose tsa in'jamba tson'jen'choja attian'choi'ccu Danielnga canjaen. Tsa'caen pa'ccoma canjaensi Danielja Na'su Chigama ñotsse afapa

Mateo 12:28

Tsa'ma Chiga Qquendya'pa ñama in'jaensi gi cocoyama joqquitssian'jen. Tsa'caen ñama in'jaemba Chigaja que'ima tayo canjaen ma'caen Tise aindeccuve da'faya'chone.

Lucas 11:20

Tsa'ma Chiga Qquendya'pa ñama in'jaensi gi cocoyama joqquitssian'jen. Tsa'caen in'jaemba canjaensi qui Chiga osha'choma oshachopa ma'caen manda'choma atte'fa.

Juan 11:47

Tsonsi Chigama afa'su nasundeccu, fariseondeccu'qque bopa su'fa: —¿Ma'caen gi tson'faya? Va a'ija ñoa'me ñotssiama tsu canjaen'jen.

Tson'fa'cho 4:16

—¿Ma'caen gi tson'faya va aindeccuma? Poiyi'cco Jerusaléni can'jendeccu pañamba atesucho'fa va sefane canjaen'cho ccushaen'choma. ¿Ma'caen gi ccaningaeja afa'faya?