Éxodo 8:15 - Cofán: Chiga Tevaen'jen

¹⁵ Tsa'ma tsa'caen tise vana'jen'choma vuiquiansi faraónjan ccase iyicca'yepa se'pipa Moisés toya'caen Aarón su'choma pañañe in'jambi ma'caen Na'su Chiga suqquia'caen.

Éxodo 8:15 ပူးပေါင်းရင်းမြစ်များ

Éxodo 14:5

Tsa'caen tson'jen'fa'ni egipto'su na'sunga conda'fa israendeccu ccuyapa ja'choma. Pañamba faraón toya'caen tisema shondosundeccu'qque asi'ttaemba ccaningae in'jamba qquen su'fa: “¿Jongoesu qquen in'jamba gi antte'fa cuintsu israendeccu ingi'be sema'jen'choma anttepa tsa'caen ja'faye?”

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 7:4

Faraónda tsu que'i su'choma pañaña'bi. Tsa'ma ña gi pa'cco ña oshacho'choma Egipto andenga ttova shequianqquia'caen canjeña. Nane ñoa'me egae daqque'sui'ccu gi egiptondeccuma dyoñamba ña sundarondeccuma somboeña, tsa Israel ña aindeccuma.

Éxodo 8:14

Tsa'caen pa'fasi aindeccu taipa boña'fasi pa'cco ande tssu'jutsse da.

Éxodo 8:16

Na'su Chigaja ccase Moisésnga su: —Aarónma mandaja tise accuicco'choma isupa tsai'ccu ande'su sisipama ochhaiye cuintsu tsa'ye pa'cco Egipto andenga ocuveyi daye.

Éxodo 8:28

Tsa'caen susi faraónjan su: —Antteya gi que'i a'i menia japa Na'su que'i Chiganga oque oraemba afe'faye. Tsa'ma in'jambi gi que'i panshaen biani ja'faye. Toya'caen ñane'qque que'i Chigama iñajan'faja.

Éxodo 8:29

Tsa'ma Moisésja su: —Ñoa'me sombopa jayipa gi Na'su Chigama iñajaña cuintsu tu'ija que'ye, quema shondosundeccu'ye toya'caen que aindeccu'ye'qque tenqquen'choma joqquitssiañe. Tsa'ma aqquia israendeccu, Na'su tise'pa Chiganga oque oraemba afe'faye moeña'caen afopoen tsinconjama.

Éxodo 8:32

Tsa'ma tsa'caen joqquitssiansi faraónjan ccase iyicca'yepa se'pipa israendeccu jaya'chove anttembi.

Éxodo 8:8

Tsama attepa faraónjan Moisés toya'caen Aarónme ttu'senga'faye manda. Tise'pa jisi qquen su: —Na'su Chigama iñajan'faja cuintsu ña'ñe toya'caen ña aindeccu'ye sapoma joqquitssiañe. Tsa'caen tsonsi gi que aindeccuma antteya cuintsu japa Na'su Chiganga oque oraemba afe'faye.

Proverbios 26:11

Ainjan a'jupa toeveyi aña. Sumbi'qque in'jangae tsomba toeveyi ccase tsoña.

Oseas 6:4

Na'suja qquen su: “Efraín (israendeccu): ¿Jongoesian gi quei'ccu tsoña? Judá (judándeccu): ¿Jongoesian gi quei'ccu tsoña? Que'i ñama in'jan'choja ñoa'me sinte'su ccuttopa'sia'can tsu. Nane sinte'su suruno'caen junde tsu metsse daya.

Hebreo'su 3:15

Qquen tsu Chiga Aya'faja su: Tayopi'su israendeccuja Chigama patsu qquen tsincomba chi'ga'fa. Ja'ño a'ta, Chiga Aya'fama paña'da que'i injama'choma tsendeqquia'caen se'pi'fajama ñoa'me pañañe.

Canjaen'cho 16:9

Tsa'ma aindeccuja tsa'caen oqueye'a'qque toya tise'pa egae tsincon'choma catiye in'jan'fambi. Ni Chigama toya ñotsse afa'fambi. Tsa'ma Chiga tsa'caen tise'pama vanaen qquen in'jamba Tisema iyicca'yepa ti'tsse afase'fa.