Éxodo 5:13 - Cofán: Chiga Tevaen'jen

^13-14 Poi a'ta tsu faraón mandasi semoeñe mandasundeccuja manda'je'fa cuintsu tise'pa shoshovima afe'jeite mañi'cco ladriyove nanijenqquia'caen nani'faye. Toya'caen tsu semoen'su israendeccuma ochha'chhapa qquen su'fa: —¿Micomba qui cani ni ja'ño'qque toya nani'fambi que'i tayoe tson'jenqquia'can'tsse ladriyove?

Éxodo 5:13 ပူးပေါင်းရင်းမြစ်များ

Éxodo 1:11

Tsa'caen in'jamba egiptondeccuja mandasundeccuve ccutsiamba manda'fa cuintsu israendeccuma aiye'pa semambanga ca'nia'faye. Tsa'caen ca'niamba manda'fa cuintsu Pitón canqque toya'caen Ramsés canqqueve ñoña'faye. Nane egipto'su na'su faraónda tsu tsa canqqueve ñoña'faye manda tise an'bian'cho trigoma tseni boñañe.

Éxodo 5:11

Ja'ñojan que'iyi qui japa taiye osha'fa manima atte'ta. Tsa'ma tsa'caen tson'jen'an'qque tayoe mañi ladriyove nanijenqquia'caen tsu naniña'cho.

Éxodo 5:12

Tsama pañamba israendeccuja attufaccopa pa'cco Egipto andenga jaja'fa nasipa caticcu'su shoshovima tta'ttapa apichanga echho'chhoemba ladriyove ñoñañe.

Éxodo 5:6

Tsequi a'tayi tsu faraónjan semoeñe mandasundeccu toya'caen semoen'su israendeccuma'qque qquen manda antte: