Éxodo 39:32 - Cofán: Chiga Tevaen'jen

³² Israendeccuja Chiga Quitsa Moisésnga condaqquia'caeñi pa'ccoma tsa'cantsse ñoñamba Chigai'ccu cachuicco'je'cho carpama nani'fa.

Éxodo 39:32 ပူးပေါင်းရင်းမြစ်များ

1 Reyes 6:38

Siete canqque'fave semoemba tsu Salomón tise na'suve da'cho once canqque'fave nepisi Bul ccovuni tsa'oma nani. Nane tsa octavo ccovuni tsu osha'choma nanitsse ñoña'fa Na'su Chiga ettive.

Éxodo 12:28

japa Na'su Chiga Moisés toya'caen Aarónga mandaqquia'caen tson'fa.

Éxodo 31:7

Nane tsendeccu tsu qquen ñoña'faya'cho: ñai'ccu cachuicco'je'tti, a'i'ccu injancco'fa'cho cafon, tsambe ombanga corima ñoña'cho piccofin'di, osha'cho vase'je'cho cachuicco'je'tti'su jincho,

Éxodo 40:32

Tsa'caen tsu tson'fa maqui Chigai'ccu cachuicco'je'ttinga ca'niñe toya'caen maqui oque'je'chonga catseye. Nane Na'su Chiga Moisésnga mandaqquia'caen tsu tson'fa.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Hebreo'su 3:2

Nane Chiga tsa'caen tisema ccutsiansi tsu Jesúsja Chiga in'janqquia'caen tson. Tayopi Chiga mandasi Moisésja Chiga aindeccunga tansintsse manda. Moisés ñotsse pañamba tsonqquia'caen tsu Jesús'qque Chigama ñotsse pañamba tson.

Hebreo'su 8:5

Nane tsendeccuja manda'cho mandaqquia'caen Chigai'ccu cachuicco'je'cho carpani ca'nimba osha'cho tson'choi'ccu Chigama iñajan'fa. Tsa'ma pa'cco tise'pa tson'jen'choja Chiga sefacconi jinchoma tsu a'inga canjaen. Jesús jai'ngae Chiga sefacconi ingine Chigama iñajaña'choma tsu canjaen. Nane tsa'camba tayopi Moisés Chiga a'i'ccu cachuicco'je'cho carpave ñoñañe tson'jensi Chigaja ccotta'cconi Moisésnga su: “Ña ja'ño quenga canjaen'choma ñotsse injan'jemba pa'ccoma tsa'cantsse Ña can'jeña'cho carpave ñoñajan.”

1 Samuel 15:22

Tsonsi Samuelja su: ¿Na'su Chigata ti avujaya oque oraemba afe'ninda? Nane ti'tsse avujatssi tsu tise manda'choma pañasi. Ñotsse pañañe tsu afe'choma bove ñotssi.