Éxodo 34:6 - Cofán: Chiga Tevaen'jen

⁶ Nane Moisés can'jen'tti'ye panshamba quian'me afapa qquen su: —¡Na'su Chiga gi! ¡Na'su Chiga gi! ¡Ñotsse in'jamba mendeye'su Chiga gi! ¡Junde iyicca'ye'ma'sia toya'caen ñoa'me a'tatsse injancho'cho Chiga gi!

Éxodo 34:6 ပူးပေါင်းရင်းမြစ်များ

Génesis 24:27

qquen supa: “Ñoa'me ñotssi qui Na'su ña na'su Chiga. Nane queja que suqquia'caen qui ña na'sunga ñotsse tson. Ñotsse tsomba qui tansintsse ñama i tise antian tsaoni.”

1 Reyes 19:11

Tsa'ma Na'suja su: “¡Fattocco chango'ye sombopa ccotta'cconi ñanga ccutsuja!” Tsa'caen supa tse'faei'ccuyi Na'su Chigaja jipa panshaen. Nane quian'me fingiansi ccotta'cco dosi patu'qque ucca sheque. Tsa'ma Na'suja tsa fingiani can'jembi. Fingiama omboe tsu ande oya. Tsa'ma Na'suja ande oya'je'choni can'jembi.

1 Reyes 8:30

Ña iñajan'choma pañamba poi israendeccu iñajan'choma'qque pañajan a'i vanima camba iñajan'fasi. Nane sefacconi can'jemba pañamba ingi egae tsincon'choma joqquitssianjan.

Salmos 91:4

Nane arapa tise sanccopai'ccu du'shuma piccoqquia'caen tsu tiseja quema coiraya. Tise sanccopa tsosiccuni can'jensi tiseja ñotsse'yi quema tsomba quema piccoqquia'caen a'tupa an'biaña.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Éxodo 33:19

Tsa'ma Na'su Chigaja su: —Pa'cco ña ñotssiama gi quenga canjaeña. Toya'caen ña inisema'qque gi quenga condaya. Nane majama ña in'jan'da tsama gi mende'ye.

Proverbios 3:3

Tsangae tisupapora ñotsse in'jamba tansintsse afapa canseja. Nane andupama aqque'paye oshambiqquia'caen tsama'qque aqque'pambitsse que injama'chonga tevaenqquia'caen an'bianjan.

Jeremías 9:24

Nane majan ñoa'me quinsepoeñe in'jan'da tisu ñame in'jan'choi'ccu tsu quinsepoeña'cho. ‘Na'su Chiga tsu’ qquen in'jamba tsu quinsepoeñe ñotssi. Nane ñoa'me gi Na'su. In'jamba gi va andeni ñotsse tsomba tansintsse mandapa avujatssi. Ñotssiaveyi tsomba gi avujatssi. Ña, Na'su Chiga gi qquen que'inga conda.”

Joel 2:13

Tsa'cansi tsu toequi Na'su que'i Chiganga shanda'faya'cho. ¡Tisu sarupama chittambe'yi que'i injama'choma chittaqquia'caen cambiaña'cho! Nane Na'suja junde iyicca'yembipa que'ima ñoa'me in'jamba mende'yepa que'inga egae tsoñe in'jambi. Tsonsi Na'suja su:

Jonás 4:2

Tsa'camba Na'suma iñajamba qquen su: —Na'su que canjan. Ña toya tisu andeni can'jen'ni que su'nijan tayo gi in'jan que qquen tsoña'choma. Tsa'camba gi junde Tarsisni ccuyapa jaye in'jan. Nane in'jan gi que qui Chiga ño'an, a'ima mendeye'su, junde iyicca'ye'ma'sia qui. Nane queja ñoa'me a'ima vanaeñe supa junde ñoquipa tise'pama antte.

Números 12:8

Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Juan 1:17

Moisésja Chiga manda'choma afapa conda. Tsa'ma Jesucristoma moemba Chigaja Tise ingima in'jamba ñotsse tson'choma tansintsse canjaen.

Romanos 2:4

¿Ñotsse in'jan'fambi ti qui Chiga que'ine osha'cho ñotsse tson'choma? ¿Ni in'jan'fambi ti qui ma'caen Tise opatsse iyu'umbe'yi que'ive ronda'je'choma? ¿In'jambi ti qui Tise que'ima ñotsse tson'jen'choma que'i tisu egae tsincon'choma chi'gapa Tisenga ji'faye?

Santiago 5:11

A'ija vana'jemba toya opatsse canse'ta tsu avuja'faya qquen gi asi'ttaen. ¿Paña'fambi ti qui tayopi'su Jobne condase'choma? Nane Jobja vana'jemba anttembe'yi Na'su Chigave in'jamba opatsse canse. Tsa'caen cansesi Na'su Chigaja jai'ngae tisema ñoa'me ñotsse tson. Na'su Chigaja tsa'caen mende'yepa a'ima ñoa'me ñotsse in'jan.