Éxodo 34:5 - Cofán: Chiga Tevaen'jen

⁵ Tsonsi Na'su Chigaja unjimba'ccoi'ccu andepa tseni Moisési'ccu can'jen. Tsa'caen can'jemba tisu inisema conda.

Éxodo 34:5 ပူးပေါင်းရင်းမြစ်များ

Éxodo 19:18

Tsonsi si'nge enttinge'ye Chiga Sinaí ccotta'cconga andesi tsu tsa ccotta'cco'ye onfen'ba sombo. Nane onfen'bata tsu panme matssan'jen'cho'ye somboqquia'caen oro'je. Toya'caen pa'cco ccotta'cco tsu dyo'oe oya'je.

Éxodo 19:9

pañamba Na'suja su: —Que canjan, sintssia unjimba'cco'ye gi quenga attiaña cuintsu aindeccuja ña quenga afa'choma pañamba tsangae quema ñotsse in'jamba paña'jen'faye. Moisésja ccase aindeccu su'choma Na'sunga condasi

Éxodo 23:21

Tise'ye attufa'fajama. Tisema ñotsse paña'faja pañambiqquia'caen tsinconsa'ne. Nane tiseja ñoa'me ña'cantsse afa'su tsu. Que'i egae tsincon'choma aqque'paya'bi tsu.

Éxodo 33:19

Tsa'ma Na'su Chigaja su: —Pa'cco ña ñotssiama gi quenga canjaeña. Toya'caen ña inisema'qque gi quenga condaya. Nane majama ña in'jan'da tsama gi mende'ye.

Éxodo 33:9

Tsa'caen Moisés tse'ttinga japa ca'ni'ninda tsu Chiga unjimba'cco andepa tse'ttinga duse tsa carpanga cani'jen'ttini. Tsa'caen duse'ni tsu Na'su Chigaja Moisésnga afa'je.

Isaías 1:10

¡Sodoma nasundeqquiacan qui! Na'su que'inga su'choma paña'faja. ¡Gomorra canqquesundeqquiacan qui! Ñotsse paña'faja ingi Chiga que'ima atesiaña'choma.

Números 11:17

Tseni gi andepa que'i'ccu condasepa quenga afe'cho Qquendya'pama enttingeve isupa tsendeccunga afeya cuintsu quema fuitepa aindeccuma angacan'faye. Tsa'caen tson'nijan fae'ccoya'bi qui.

Números 11:25

Tsa'caen tsonsi Na'su Chigaja unjimba'ccoi'ccu andepa Moisésnga afa. Afa nanimba Moisés an'bian'cho Qquendya'pama enttingeve isupa tsa setenta israe'su coenzandeccunga afe. Tsa'caen Chiga Qquendya'pa tise'panga ca'nisi Chiga Aya'fama afa'fa. Tsa'ma ti'tsse tsa'caen afa'je'fambi.

Números 12:5

Tise'pa jasi Na'su Chigaja sintssia unjimba'ccoi'ccu andepa carpanga cani'jen'ttinga ccutsu. Andepa Na'su Chigaja Aarón toya'caen Maríama ttu'sesi tise'pa jisi

Números 14:17

Tsa'cansi, Na'su Chiga, canjaenjan que oshacho'choma que tayo inginga suqquia'caen. Queyi qui su:

1 Samuel 3:18

Tsa'caen susi Samuelja pa'tssi Chiga su'choma tisenga conda. Condasesi Elíja su: —¡Chiga tsu Na'su! ¡Ma'caen tise in'janqquia'caen tson'jenjan!