Éxodo 34:24 - Cofán: Chiga Tevaen'jen

²⁴ Ña gi faesu andesundeccuma joqquitssiamba tise'pa andema que'inga afe'ñaccaya. Tsa'cansi que'i poi canqque'fanga tres se Na'su que'i Chiganga catseye japa tisu andeni can'jembi'ni'qque tsu majañi'qque que'i andema itsaya'bi.

Éxodo 34:24 ပူးပေါင်းရင်းမြစ်များ

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 35:5

Tsa'caen a'tupa tsa canqque'ye sombo'fasi Chigaja poiyi'cco tse'tti pporotsse canjensundeccuma dyo'faya'chove in'jaen cuintsu Jacob dushundeccuma mandiambe can'faye.

1 Reyes 5:1

Tsonsi Hiram, tsa Tiro canqque'su na'su, Salomón tise yaya David'ye pasi tayo israel na'suve fetiye qquen pañamba tise moesi afasundeccuma Salomónga moe. Nane tsa'caen tsu Davidi'ccu ñotsse injanccopa canse'su.

Job 1:10

Tsa'ma que tisema fuitesi majañi'qque tisema dañoñe oshambi; ni tise antiandeccuma, ni tise an'bian'choma. Nane queja tisema ñotsse fuitesi pa'cco osha'cho tsu ñotsse naniñe. Tsa'cansi tiseja osha'choma tsain'bitsse atapoemba poiyi'cco tsa ande'su a'ima ti'tsse rico.

Salmos 78:55

Ipa israendeccu ca'nisi tseni can'jensundeccuma joqquitssian mañamba tise'pa andema israendeccunga afe. Yaya tise dutssiyendeccunga afeqquia'caen tsa andema attufaemba afe cuintsu israe'su aindeccu cca'tti, cca'tti canqquiamba can'jen'faye.

Éxodo 33:2

Ña gi moeña ñama shondo'suma cuintsu que'ima angaye. Toya'caen gi tsoña cuintsu tsa ande'su cananeondeccu, amorreondeccu, hititandeccu, ferezeondeccu, heveondeccu, toya'caen jebuseondeccuma joqquitssiañe.

Éxodo 34:11

“Ja'ño ña que'inga manda'choma ñotsse tson'faja. Ña gi amoreondeccu, cananeondeccu, hititandeccu, ferezeondeccu, heveondeccu toya'caen jebuseondeccuma'qque joqquitssiamba tsa andema que'inga afeya.

Tson'fa'cho 18:10

Ña gi quei'ccu can'jen. Majañi'qque pporaemba quema dañoñe osha'faya'bi. Tsain'bitssi va canqque'su a'i tsu ñambe'fa.

Deuteronomio 7:1

Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.