Éxodo 34:15 - Cofán: Chiga Tevaen'jen

¹⁵ “Tsa andeni cansesundeccui'ccu fae'ngae injancco'fajama, in'jamba'qque tise'pa chiganga afeye iñajan'jemba que'ima'qque ttu'sesi fae'ngae japa tise'pai'ccu tsa afe'cho aña'choma ansa'ne.

Éxodo 34:15 ပူးပေါင်းရင်းမြစ်များ

Salmos 106:28

Cansembi'choa chigandeccunga afe'cho aña'choma amba Baal-peorve in'jamba tsambe aindeccuve da'fa.

Éxodo 23:32

“Tise'pai'ccu injancco'fajama ni tise'pa chigandeccuma in'jan'fajama;

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’

Éxodo 34:10

Na'su Chigaja su: “Ñotsse paña'faja. Ja'ño gi poiyi'cco a'i fae'ngae injancco'faya'chove tson. Toya'caen osha'cho camboenitssia'ma gi que'inga canjaeña. Nane ni mani'su ande'suyi'qque tsu tsa'cantssia've tson'fambi. Tsa'caen tsonsi tsu poiyi'cco cca'isundeccu mani que'i tise'pama cachui'ninda atte'faya Na'su ma'caen oshapa tson'choma. Nane ña que'i'ccu tson'choja camboenitssia tsu.

Éxodo 34:12

“Toya'caen tseni ca'nimba tsendeccui'ccu fae'ngae injancco'fajama, in'jamba'qque vacho'va'caen zuccosa'ne.

Números 25:1

Israendeccuja Sitimni can'jemba majan tsandiendeccuja Moab'su pushesundeccui'ccu egae tsincoñe ashaen'fa.

Números 25:2

Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.

Tson'fa'cho 15:20

Tsa'ma tise'panga qquen tevaeñe tsu ñotssi: Osha'cho jongoesuma a'i ñoña'cho chiganga afe'cho tsu an'masia. Tsandienga pushesuma anttembi'choai'ccu can'jen'masia. Anjampama catimbe'yi fi'tti'cho aña'choja an'masia. Anjampa'qque an'masia.

1 Corinto'su 10:27

Nane Cristove in'jambi'chondeqquia que'ima ttu'sesi tise tsaoni añe jaye in'jamba ja'ta, jongoesuma afesi dyombi'tsse an'faja. Tsa'ma manima chava'cho aña'chove iñajampañambe'yi anjan, conda'fasi pañamba qquesa'ne.

1 Corinto'su 8:10

Ñotsse in'jan'faja qquen aqquia su'choma: Queja ñoña'cho chiga tsaoni japa dyaipa an'jensi faesu quema atte'ta “tsaja ñoa'me in'jan'cho” qquen tsu in'jaña. Tsa'caen in'jamba tise'qque ashaeña ñoña'cho chiganga afe'cho aña'choma añe. Tsa'ma tsa'caen an'jemba injama'choni toya egae tsincon'cho tsu qquen in'jamba tisuyi tsu qque.

1 Corinto'su 8:4

Tsa'caen tsonsi ¿aña ti gi chiga'ca'me ñoña'chonga afe'cho aña'choma? Atesu'fa gi tsa ñoña'cho chigaja ñoa'me chigambi tsu. Qquendya'pa mechopa ñoa'me jimbi'tssi tsu va andeni. Toya'caen gi in'jan “Fae Chigayi tsu jin. Faesuja jimbi.”

1 Corinto'su 8:7

Tsa'ma poiyi'cco Cristove in'jan'chondeccu vama atesu'fambi. Majan a'i tayoe ñoña'cho chiga'ca'me in'jamba ja'ño ñoña'cho chiganga afe'cho aña'choma an'jemba tisupa injama'cho tsu qque'fa. Toya tsa ñoña'cho chiga ñoa'me canse qquen in'jamba tsu amba qque'fa. Tsa'caen tise'pa injama'cho toya shacasi amba egae tsincon qquen tsu in'jan'fa.

Deuteronomio 7:2

Na'su que'i Chiga anttesi que'ija tsendeccuma patsupa tise'pama metsse nepiaña'cho. Nane tise'pama mendeye'fajama ni injancco'fa'chove tise'pai'ccu afa'fajama.

Deuteronomio 7:3

Toya'caen tise'pa'suma casara'fajama. Que'i dutssiyendeccuma tise'pa onquengendeccunga antte'fajama ni que'i onquengendeccuma tise'pa dutssiyendeccunga antte'fajama.

Josué 23:12

Nane in'jan gi que'i va su'choma in'jan'faye: Chigama catipa va quei'ccu toya can'jen'cho aindeccui'ccu fae'ngae tsomba, tise'pa'su pushesundeccuma pushe'fa'ninda tsu Na'su, que'i Chigaja, tsendeccuma manda mañaña'bi. Tsa'ma tsendeccui'ccu tsu que'ima vanae'jeña. Nane va'cho'vai'ccu avuma indiqquia'caen, quendecco'choi'ccu aña'choma indiqquia'caen, tsu tsendeqqui'ccu que'ima qqueñaña. Mappi'je'choi'ccu ma'ppiqquia'caen que'ima noñangiamba toya'caen nojan tso'fema iñaccaenqquia'caen que'ima dañoña cuintsu tsequi a'ta ni fae a'i que'i'suja va Na'su que'i Chiga que'inga afe'cho ñotssia andeni can'jembe cañe.

Canjaen'cho 2:20

Tsa'ma tsa pushesu Jezabelma se'pimbipa qui toya shacapa. Tsa pushesu tisuja Chigane afa'su qquen supa afopoen. Tsa'ma tise atesian'choi'ccu ña aindeccuma tsu qqueña cuintsu pushesundeccui'ccu injanga can'jemba tsa'caen egae tsincon'faye; cuintsu afopa'cho chiganga afe'cho aña'choma'qque amba tsa'caen egae tsincon'faye.

Jueces 2:17

Tsa'ma israendeccuja ñoquiansundeccuma ñotsse paña'fambi. Pañambipa Na'suma catipa faesu chigandeccuma iñajan'jen'fa. Nane tise'pa tayopisundeccu Na'su manda'choma pañamba canseqquia'caen canse'fambi.