Éxodo 34:11 - Cofán: Chiga Tevaen'jen

¹¹ “Ja'ño ña que'inga manda'choma ñotsse tson'faja. Ña gi amoreondeccu, cananeondeccu, hititandeccu, ferezeondeccu, heveondeccu toya'caen jebuseondeccuma'qque joqquitssiamba tsa andema que'inga afeya.

Éxodo 34:11 ပူးပေါင်းရင်းမြစ်များ

Éxodo 23:28

Nane pa'ttanga dyopa ccuyaqquia'caen tsu heveondeccu, hititandeccu, toya'caen cananeondeccu que'ima attepa ccuya'faya.

Éxodo 3:17

Toya'caen tsu su: Egiptondeccu vanae'jen'cho'ye gi somboemba cananeo, hitita, amorreo, ferezeo, heveo toya'caen jebuseondeccu can'jen'cho andeni angaya. Tsa andeni tsu chocho toya'caen tuño cuñajun'cho'qque shacaya'mbi.’

Éxodo 3:8

Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Éxodo 33:2

Ña gi moeña ñama shondo'suma cuintsu que'ima angaye. Toya'caen gi tsoña cuintsu tsa ande'su cananeondeccu, amorreondeccu, hititandeccu, ferezeondeccu, heveondeccu, toya'caen jebuseondeccuma joqquitssiañe.

Éxodo 8:27

Tsa'cansi tsu tres a'ta pa'cco a'i menia japa tseni fi'ttipa oque oraemba ingi Na'su Chiganga afeya'cho tise suqquia'caen.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Juan 14:21

Majan ña manda'choma pañamba canse'ta ñama tsu ñotsse in'jan. Majan ña manda'choma pañamba canse'ta ñama tsu ñotsse in'jan. Majan tsa'caen ñama ñotsse in'jan'ninda ña Quitsa'qque tsama ñotsse in'jaña. Ña'qque tisema ñotsse in'jamba tisuma attiaña Tisenga.

Deuteronomio 6:3

Tsa'cansi, israendeccu, Chiga manda'choma pañamba tson'faja. Nane tsa'caen tsomba qui tsa andeni ñotsse cansepa ti'tsse'tssi aindeccuve atapa'faya. Na'su que'i tayopisundeccumbe Chiga tise'pama tansintsse suqquia'caen tsa andeni tsu chocho toya'caen tuño cuñajun'cho'qque shacaya'bi.

Josué 23:5

Nane Na'su, que'i Chiga, ñoa'me su'choi'ccu tise que'inga tayoe condaqquia'caen tsa andeni can'jen'cho aindeccuma joqquitssiansi qui que'ija tsa andema isu'faya.