Éxodo 33:11 - Cofán: Chiga Tevaen'jen

¹¹ Nane Chigaja Moisési'ccu cambajunaccu tisu amigoma'caen condasecco'je. Tsa'caen condase nanimba Moisésja canqqueni ji'je. Tsa'ma tisema shondo'su Josué, tsa pushe me'choa Nun dutssi'yeja, minga'ni'qque joqquitssi'jembi tsa carpa tsa'o'ye.

Éxodo 33:11 ပူးပေါင်းရင်းမြစ်များ

Génesis 32:30

Afasi Jacobja: “Tayo Chigama cambajunaccu atte'ma gi toya canse”–qquen supa tse'ttima inisian Penuel.

Éxodo 17:9

Tsonsi Moisésja Josuéma su: —Majan tsandiendeccuma avusepa amalecitandeccui'ccu iyicco'faja. Ñanda gi tu'i Chiga quini'ccoma indipa ccotta'cco'cho ombani ccutsuya.

Éxodo 24:13

Tsama pañamba Moisésja jangipa tisema shondo'su Josuéi'ccu Chiga can'jen'cho ccotta'cconga ansunde.

Éxodo 32:17

(Moisés ccotta'cco'ye andejipa Josué can'jeni jisi) Josuéja aindeccu fundo'je'choma pañamba Moisésnga conda: —Canqquene geraen'jemba fundojeqquia'caen gi paña.

Éxodo 33:10

Aindeccuja maqui tsa'caen unjimba'cco ande dusesi atte'ta tisupa carpanga cani'jen'ttinga ccaru dyaipa Chigama iñajan'fa.

Éxodo 33:9

Tsa'caen Moisés tse'ttinga japa ca'ni'ninda tsu Chiga unjimba'cco andepa tse'ttinga duse tsa carpanga cani'jen'ttini. Tsa'caen duse'ni tsu Na'su Chigaja Moisésnga afa'je.

Isaías 42:8

Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.

Números 11:28

Tsonsi Josué, tsa Nun dutssi'ye, dusuite'yi Moisésma fuite'suja qquen su: —¡Ña na'su, Moisés, tsendeccumajan se'pija!

Números 12:7

Tsa'ma ñama shondo'su Moisési'ccuja tsa'caen tsombi gi. Tise tsu cca'i ñama shondosundeccuma ti'tsse pañamba ñotsse tson'su.

Números 12:8

Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Juan 11:11

Tsomba Jesúsja su: —Ingi amigo Lázaroja tayo tsu ana. Tisema qquendyaen'su gi jayi.

Juan 3:29

Casara'ta tsa'nduyi tsu pushema pushe. Shondo'su Quitsaja tsa'ndu afasi pañamba avuja. Ña'qque tsa'caen gi ja'ño avujatssi.

Deuteronomio 34:10

Tsa'ma faesu Chiga aya'fama afa'suja Moisés'cantsse Israelnga attiambi. Nane Moisésja Na'su Chigai'ccu cambajunaccu condasecco'je.

Santiago 2:23

Tsa'caen tsu tson Chiga Tevaen'jen qquen suqquia'caen: “Abraham Chigave in'jansi Chigaja su: Tiseja ño'a tsu.” Tsa'cansi tsu su'fa “Abrahamjan Chiga amigo”.