Éxodo 32:9 - Cofán: Chiga Tevaen'jen

⁹ Toya'caen tsu Na'su Chigaja Moisésma su: —Tsendeccuma attepa gi in'jan tise'pa pañambiqquia'caen tsincon'fa'choma.

Éxodo 32:9 ပူးပေါင်းရင်းမြစ်များ

2 Reyes 17:14

Tsa'ma aindeccuja paña'fambi. Nane tise'pa tayopisundeqquia'caeñi tsosinambipa Na'su tise'pa Chigave in'jan'fambi.

Salmos 78:8

Tsa'caen in'jamba cansepa tise'pa tayopisundeqquia'can'faya'bi. Nane tise'pa tayopi'su coenzandeccuja tsosinai'ccu pañambipa injama'choni'qque in'jambipa Na'su Chiga in'jan'chove tson'fambi.

Éxodo 33:3

Ja'faja. Nane tseni tsu chocho, tuño cuñajun'cho'qque tsa'qquia'caen sombo'je'cho ande. Tsa'ma ñajan que'i'ccu fae'ngae jaya'bi gi in'jamba'qque que'ima utu tsaiquinga sefaensa'ne. Nane que'ita qui ñoa'me injiengembitssi'fa.

Éxodo 33:5

Nane Na'su Chiga tsu Moisésnga qquen su: —Israendeccunga vama condaja: ‘Que'i qui ñoa'me injiengembitssi'fa. Nane ña que'i'ccu aqquia re'riccoe can'jen'choecan'da gi metsse que'ima sefaeñe'can. Ja'ñoñi sasiyo, andupama'qque antte'faja. Tsonsi gi atteya ma'caen que'ima tsoña'chove.’

Éxodo 34:9

qquen su: —¡Na'su! ¡Na'su! Ñoa'metsse que ñama in'jan'da ingima angacanjan. Va aindeccuta tsu ñoa'me injiengembitssi'fa. Tsa'ma ingi egae tsincon'choma aqque'papa ingija quembe'fa qquen injan'jenjan.

Números 14:11

Tsa'caen attiamba Na'su Chigaja Moisésnga su: —¿Mi'nge'e tsu aindeccuja ñama chi'gapa ‘Barembi tsu’ qquen su'je'faya? ¿Toya'caen mi'nge'e tsu ñame in'jambiqquia'caen canse'faya? Nane tsain'bitsse tise'panga ña oshacho'choma canjaensi atte'ma tsu ñame in'jan'fambi.

Tson'fa'cho 7:51

Tsa'ma que'ija toyayi qui injama'choi'ccu in'jan'fambi. Tsonsinai'ccu'qque pañambipa qui injama'cho'qque atesumbindeqquia injama'choa'cañi'fa. Toyayi qui Chiga Qquendya'pama pañambiqquia'caen in'jan'fambi. Ñoa'me qui tayopi'su a'ia'cañi'fa.