Éxodo 32:7 - Cofán: Chiga Tevaen'jen

⁷ Tsonsi Na'su Chigaja Moisésnga su: —¡Junde andepa jaja! Egiptone que somboen'cho aindeccu tsu qqueye tson'jen'fa.

Éxodo 32:7 ပူးပေါင်းရင်းမြစ်များ

Salmos 78:36

Tsa'ma tsa'caen tise'pa aya'fai'ccu Chigama ñotsse afapa ñoa'me afopoen'fa.

Éxodo 19:24

Tsa'ma Na'su Chigaja su: —Andepa japa jai'ngae Aaróni'ccu ansundeja. Tsa'ma Chigama afasundeccu toya'caen aindeccuma'qque se'pija cuintsu ña can'jeni ansundembe'yi can'faye. Ña iyicca'yepa tise'pama dañosa'ne.

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Éxodo 32:11

Moisésja tsa'caen in'jambipa Na'su Chigama ñoquiañe in'jamba qquen su: —Ña Na'su, ¿jongoesie qui que aindeccuma iyicca'ye? Nane queyi qui tise'pama Egiptone somboen osha'cho paqque'sui'ccu tsomba.

Éxodo 32:4

Tsonsi Aarónjan isupa tsa corima tssutssiamba fiña cuintsu vaura du'shua'caen somboye. Tsomba ñoñaqque'su yoshavai'ccu ñoa'me nanitsse nani. Tsonsi poiyi'cco a'i tsama attepa qquen su'fa: —¡Israendeccu, va tsu que'i chiga, que'ima Egiptone somboen'su!

Éxodo 33:1

Na'su Chigaja Moisésnga su: —Va'ttie sombopa que Egiptone somboen'cho aindeccui'ccu jaja. Nane ña Abraham, Isaac toya'caen Jacobnga supa tise'pa omba'su dushundeccunga afeye su'cho andeni jaja.

Isaías 1:4

¡Va'cha qui, egae tsinconsundeccu! Tsain'bio shacave qui andu'choma'caen andu'fa. Que'i yayandeccu egae tsincon'fasi que'i'qque in'jangae tson'jen'fa. Na'su'ye qui joqquitssi'fa. Nane Israel joccapitssia Chiga'ye attufapa qui tisema cati'fa.

Jueces 2:19

Tsa'ma tise'pa manda'su pasi aindeccuja ccase egae tsincomba tise'pa tayopisundeccuma bove egae dapa faesu chigandeccuma iñajamba canse'fa. Nane anttembe'yi egae tsincomba tsosinambie dapa Na'suma pañañe in'jan'fambi.