Éxodo 32:6 - Cofán: Chiga Tevaen'jen

⁶ Ccaqui a'ta sinte'yi jangipa afe'choma oque oraemba, ñoquiañe afeqque'suve'qque, tsa ñoña'cho vauranga afe'fa. Tsa'caen tsomba tse'i aindeccuja dyaipa amba cui'je'fa. Omboe jangipa egae tsincoñe ashaen'fa.

Éxodo 32:6 ပူးပေါင်းရင်းမြစ်များ

Éxodo 32:5

Tsa'caen tson'fasi attepa Aarónjan oque oraenqque'suve tsa vaura du'shui'ccu pporotsse ñoñamba qquen fundo: —¡Jinge tu'i fiestaen'faye Na'suma ñotsse afaye!

Números 25:2

Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.

1 Corinto'su 10:7

Ñoña'cho chigama in'jan'fajama. Majan tsendeccu'su tayoe tsa'caen in'jamba egae tsincon'fa. Tayo tsu tise'pane tevaen: “A'ija dyaipa an'jemba cui'jettie jangi boiraye.” Boirapa tsu ñoña'cho chiganga iñajan'fa.

Canjaen'cho 11:10

Tsendeccu pa'fasi ñoa'me tsu poi ande'su aindeccu avujatssi'faya. Nane tsa dos Chiga Aya'fama afasundeccuja tise'pa candusian'choi'ccu va ande'su aindeccuma ñoa'me noñangian'fa. Noñangiamba tsa'caen pa'fasi aindeccuja avuja'faya. Avujapa tisupapora poini ccane'qque afe'choma afecco'faya.