Éxodo 3:17 - Cofán: Chiga Tevaen'jen

¹⁷ Toya'caen tsu su: Egiptondeccu vanae'jen'cho'ye gi somboemba cananeo, hitita, amorreo, ferezeo, heveo toya'caen jebuseondeccu can'jen'cho andeni angaya. Tsa andeni tsu chocho toya'caen tuño cuñajun'cho'qque shacaya'mbi.’

Éxodo 3:17 ပူးပေါင်းရင်းမြစ်များ

Génesis 46:4

Quei'ccu fae'ngae gi Egiptoni jaya. Toya'caen ñañi gi que omba'su dushundeccuma tsa ande'ye somboeña. Nane que pa'ni'qque tsu Joséja quei'ccu jinchoya.

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Génesis 50:25

Tsa'caen supa Israel dutssiyendeccuma su cuintsu ñoa'metsse su'choi'ccu tise in'janqquia'caen tsoñe qquen su'faye: “Ñoa'me gi su Chiga Quitsa jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

Éxodo 32:34

Tsa'cansi japa aindeccuma angaja ña su'cho andeni. Ñama shondo'su tsu que'ima angaya. Tsa'ma maqui tise'pama vanaeña'cho a'ta nepisi gi tise'pa egae tsincon'chone vanaeña.

Éxodo 33:3

Ja'faja. Nane tseni tsu chocho, tuño cuñajun'cho'qque tsa'qquia'caen sombo'je'cho ande. Tsa'ma ñajan que'i'ccu fae'ngae jaya'bi gi in'jamba'qque que'ima utu tsaiquinga sefaensa'ne. Nane que'ita qui ñoa'me injiengembitssi'fa.

Números 13:27

Canjaemba Moisésnga su'fa: —Ja'fa gi que ingima manda'cho andeni. Ñoa'me tsu tsenijan chocho toya'caen tuño cuñajun'cho'qque shacaya'bi. Toya'caen va tsu tseni naqque'su teta'cho.

Deuteronomio 6:3

Tsa'cansi, israendeccu, Chiga manda'choma pañamba tson'faja. Nane tsa'caen tsomba qui tsa andeni ñotsse cansepa ti'tsse'tssi aindeccuve atapa'faya. Na'su que'i tayopisundeccumbe Chiga tise'pama tansintsse suqquia'caen tsa andeni tsu chocho toya'caen tuño cuñajun'cho'qque shacaya'bi.

Josué 5:6

Nane israendeccu cuarenta canqque'fave a'i menia jacamba poiyi'cco Egiptone sombo'cho tsandiendeccu, sundarove ca'niñe nepi'chondeccuja, tayo pa'fa. Nane tise'pa tayopi'su coenzandeccunga Na'su Chigaja andema afeye su, chocho toya'caen tuño cuñajun'cho'qque shacambitssia andema. Tsa'ma tsendeccu ñotsse pañambisi Na'suja tsendeccuma ñoa'me su'choi'ccu su cuintsu tise afeye su'cho andema attembe'yi pa'faye.

Josué 9:1

Jordánma chiga amppi'jefa'su nasundeccu tsa tson'choma pañamba bo'fa israendeccui'ccu iyiccoye. Nane majan ccotta'cconi canjensundeccu, sinjunccuni canjensundeccu toya'caen rande mar otafani canjensundeccu Líbano andepie, tsu Josuéi'ccu iyiccoye bopa condasecco'fa. Nane tsa hitita'su, amorreo'su, cananeo'su, ferezeo'su, heveo'su toya'caen jebuseo'su nasundeccu tsu tsa'caen bo'fa.