Éxodo 3:16 - Cofán: Chiga Tevaen'jen

¹⁶ Japa israe'su coenzandeccuma boñamba qquen condaja: ‘Na'su Chiga Quitsa que'i tayopi'su coenzandeccumbe Chiga, nane Abraham, Isaac, toya'caen Jacobmbe Chiga tsu ñanga attiamba qquen su: Que'ima injan'jemba gi egiptondeccu que'ima ma'caen tson'jen'choma atte.

Éxodo 3:16 ပူးပေါင်းရင်းမြစ်များ

Génesis 1:7

Tsa'caen supa Chigaja sefacco'su qquendya'pave ñoña. Ñoñasi tsa'caen tsu da. Sefacco'su qquendya'pambe ombani tsu unjimbaja jin. Sefacco'su qquendya'pambe tsosiccuni tsu na'en'su tsa'ccuja jin.

Génesis 21:1

Na'su Chiga Abrahamnga suqquia'caen Sarama pporaen cuintsu tise suqquia'caen daye.

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 48:15

Tsa'caen pporaen'chopa Josénga ñotsse tsoña'chove qquen afa: “Chiga Quitsa, ña yayandeccu Abraham'ye toya'caen Isaac'ye quema ñotsse pañamba canse'fa. Que qui ñama isu'cho a'ta ashaemba ja'ñoa'ngae ñama ñotsse coira'je.

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Salmos 8:4

¿Jongoesu tsu va ande'su a'ija? ¿Jongoesune qui tisema injan'jen? ¿Jongoesu tsu va ande'su tsandieja? ¿Jongoesune qui tisema in'jamba coira'je?

Éxodo 1:8

Bo'tsse can'jensi omboe faesu cuna egipto'su na'su, tayopi'su Joséma atesumbi'choa, na'suve dapa tise aindeccunga su:

Éxodo 13:19

Toya'caen Moisésja José'ye tsu'ttama anga. Nane José'ye toya cansuite tsu iñajan cuintsu Israel dutssiyendeccu ñoa'metsse su'choi'ccu tise tsu'ttama tsa'caen angaye su'faya'chove. Tsa'caen iñajamba su: “Ñoa'me gi su, Chiga jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

Éxodo 17:5

Tsonsi Na'suja su: —Majan coenzandeccuma angapa canqquesundeccu caña'jen'fa'ni panshanjan. Toya'caen na'ema ochhai'je'cho quini'ccoma'qque angapa panshanjan.

Éxodo 2:25

Nane Chiga Quitsaja israendeccu vana'jen'choma attepa tise'pama ñotsse in'jamba fuiteye ashaen.

Éxodo 24:11

Tsa'caen israe'su joccapitssia nasundeccu Chigama atte'ma mingae'qque da'fambi. Nane toya tsu cansepa amba cui'je'fa.

Éxodo 3:2

Tse'ttinga tsu Chigama sefacconi'su shondo'suja quini'si si'ngeve anchandasi Moisésnga attian. Moisésja tsama ñotsse camba in'jan quini'sija si'ngeve anchanda'ma ñoa'me ju'rumbi.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Éxodo 4:1

Na'su Chiga tsa'caen susi Moisésja su: —Aindeccuja ñama paña'faya'bi ni ña su'choma in'jan'faya'bi. Tsa'camba tsu ñama su'faya ‘Na'su Chigaja quenga attiambi.’

Éxodo 4:29

Tsa'caen condasepa fae'ngae Egiptoni japa israe'su coenzandeccuma boñamba

Éxodo 4:31

Tsama pañamba aindeccuja ñotsse in'jan'fa. Na'su Chiga tise'pama injan'jemba tise'pa vana'jen'choma attesi puntssamba Chigama iñajan'fa.

Éxodo 4:5

Tsonsi Na'suja su: —Voe gi canjaen cuintsu Na'su, tise'pa tayopi'su coenzandeccumbe Chiga, nane Abraham, Isaac toya'caen Jacobmbe Chiga, quenga attian qquen in'jan'faye.

Mateo 26:3

Tsa'caen Jesús su'je'qui tsu cca'ttinga Chigama afa'su nasundeccu, Chiga manda'choma atesiansundeccu, israe'su coenzandeccui'ccu fae'ngae bo'fa. Ti'tsse'tssia Chigama afa'su na'su, Caifás tsaoni bo'fa.

Lucas 1:68

“Ñotssi tsu israe Na'su Chiga Quitsa. Tise aindeccuma can'su jipa ccushaemba Tiseja ñotssi.

Lucas 19:44

Ca'nimba que'ima fitti'tti'faya. Que'i dushundeccuma'qque ttova amppian fi'tti'faya. Nane canqque ttu'choma asittapa ni fae patuveyi'qque faesumbe patu ombanga ántte'faya'bi. Nane que'ija Chiga que'ini jipa ccushaen'choma in'jambisi tsu tsa'caen tson'faya.

Tson'fa'cho 11:30

Tsa'caen afeya'cho corifin'dima boñamba Bernabé, Sauloi'ccu moen'fa cuintsu angapa Judea'su coenzandeccunga afe'faye.

Tson'fa'cho 15:14

Simón Pedro tsu tayo inginga condase ma'caen Chigaja tseyi me'ttia'ye israembindeqquiama in'jamba tise'pama'qque ttu'se cuintsu Tise a'ive da'faye.

Tson'fa'cho 20:17

Tsa'caen Miletoni can'jemba Pabloja manda cuintsu Efeso'su Jesúsve in'jamba bo'je'cho coenzandeccuma ttuséngaye.

1 Pedro 2:12

Chigave in'jambindeqquiai'ccu can'je'an'qque ñotsse canse'faja. Tsendeccuja que'ima afase'fa in'jangae tsinconsundeccu qquen in'jamba. Tsa'ma tsa'caen afase'a'qque que'i ñotsse tson'choma attepa tsu Chigama ñotsse afa'faya maqui a'ta Chiga jipa a'i injama'choma somboeñe ttu'se'nijan.

1 Pedro 5:1

Ñajan coenza gi ja'ño que'i bo'fa'choni'su coenzandeccunga candusian'jen. Nane ñajan Cristo vana'jen'choma attepa gi tsa coenzandeccui'ccu Chiga ñotssianga fae'ngae ca'niña Chiga tsama jai'ngae attiansi.

Rut 1:6

Toya Moabni can'jemba Noemíjan paña Na'su Chiga tise israe'su aindeccuma fuitesi anqque'su ccase atapa'choma. Tsa'caen pañamba Noemí tise dos chinai'ccu ñoña'fa toequi Beléni jiye.