Éxodo 23:32 - Cofán: Chiga Tevaen'jen

³² “Tise'pai'ccu injancco'fajama ni tise'pa chigandeccuma in'jan'fajama;

Éxodo 23:32 ပူးပေါင်းရင်းမြစ်များ

Salmos 106:35

Tsa'ma faesu chigandeccuve in'jan'chondeccui'ccu fae'ngae can'jemba tsendeccu in'jan'chove atesupa tsa'caen canse'fa.

Éxodo 23:24

Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Éxodo 34:12

“Toya'caen tseni ca'nimba tsendeccui'ccu fae'ngae injancco'fajama, in'jamba'qque vacho'va'caen zuccosa'ne.

Éxodo 34:15

“Tsa andeni cansesundeccui'ccu fae'ngae injancco'fajama, in'jamba'qque tise'pa chiganga afeye iñajan'jemba que'ima'qque ttu'sesi fae'ngae japa tise'pai'ccu tsa afe'cho aña'choma ansa'ne.

2 Corinto'su 6:15

¿Cristota ti cocoya na'sui'ccu fae'ngae in'jan? Me'i. Toya'caen ¿Cristove in'jan'chota ti Cristove in'jambi'choi'ccu fae'ngae in'jan'faya? Me'i.

Deuteronomio 31:5

Na'su tsa'caen anttesi que'i tsa andesundeccuma patsu'ta ña que'inga mandaqquia'caen tise'pama tson'faya'cho.

Deuteronomio 7:1

Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.

Deuteronomio 7:2

Na'su que'i Chiga anttesi que'ija tsendeccuma patsupa tise'pama metsse nepiaña'cho. Nane tise'pama mendeye'fajama ni injancco'fa'chove tise'pai'ccu afa'fajama.

Josué 9:7

Tsa'ma israendeccuja tsa heveondeccunga su'fa: —Isha que'ija ingi'ccu pporotsse canjensundeccumajan ¿ma'caen gi que'i'ccu fae'ngae injancco'faya?