Éxodo 23:31 - Cofán: Chiga Tevaen'jen

³¹ Ñanda gi antteya cuintsu que'i ande qquen jinchoye: Cu'a marne ashaemba Filisteondeccu marni nepiya'cho. Toya'caen a'i menia'ñe ashaemba Eufrates naini nepiye. Nane quenga gi tayo afe tsa aindeccu can'jen'cho andema. Tsa'cansi que'i qui tise'pama tteya maña'faya.

Éxodo 23:31 ပူးပေါင်းရင်းမြစ်များ

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

1 Reyes 11:2

Tsa'caen in'jamba tsu Na'su Chiga israendeccunga manda'choma cati. Nane Na'su Chigata tsu se'pi faesu ande'su pushesuma pusheye, tsa'caen tsomba injama'choi'ccu tise'pa chigandeccuma'qque in'jansa'ne. Tsa'ma Salomónjan faesu pushesundeccuma ñotsse in'jamba pu'she.

1 Reyes 4:21

Nane Salomónjan poi faesu nasundeccuma patsupa manda'je Eufrates naine ashaemba filisteo andepi toya'caen Egipto ande utufangae. Poiyi'cco tseni'su nasundeccu Salomón cansuiteja tisema pañamba poi canqque'fa tise iñajan'cho corifin'dima afepoen'jen'fa.

Números 21:34

Tsonsi Na'su Chiga Moisésnga su: “Dyombe can'faja, ña gi que'ima fuiteya cuintsu que'i tsendeccuma patsuye. Nane ña fuitesi qui pa'cco tise sundarondeccu, tise andema, amorreondeccu na'su Sehón can'jen'cho Hesbón canqquema tsonqquia'caen tson'faya.”

Deuteronomio 2:33

Tsa'ma Na'su ingi Chiga ingima fuitesi gi tise, tise dutssiyendeccu, tise sundarondeccuma'qque metsse patsu'fa.

Deuteronomio 2:36

Arnón Na'en jin'tti'su Aroer canqquene toya'caen fattocco enttinge'su canqquene ashaemba gi poi canqquema patsu'fa Galaad canqquepi. Nane Na'su ingi Chiga anttesi tsu poiyi'cco oshambi'tsse dapa patsuye'fa.

Deuteronomio 6:19

Toya'caen tsu Na'suja tise suqquia'caen poiyi'cco que'i enemigondeccuma tteya mañaña.

Deuteronomio 9:3

“Tsa'ma ñotsse in'jan'faja: Na'su que'i Chiga tsu si'nge anchandaqquia'caen que'ima o'tie jayipa tsa aindeccuma patsupa nepiaña. Nane Na'su suqquia'caen qui junde tsa aindeccuma joqquitssiamba nepian'faya.

Josué 1:4

Que'i andeja a'i menia'ñe ashaemba já Líbano toya'caen tsa rande Eufrates na'empi ne'pitssiya. Nane pa'cco hitita'su ande mar randepi gi que'inga afeya.

Josué 2:24

Qquen tsu su'fa: “Ñoa'me tsu Na'suja pa'cco andema inginga afe. Poiyi'cco a'i tsu ingima dyopa canse'fa.”

Josué 23:14

“Ña, Josué gi ja'ño paye tson'jen. Tsa'ma toyi'te gi in'jan cuintsu que'i in'jan'faye pa'cco injama'choi'ccu toya'caen pa'cco canse'pai'ccu ma'caen Na'su Chiga pa'cco tise ñoa'me su'choi'ccu ñotsse tsoñe su'choma tayo tson'chove. Ni fae'ccoveyi'qque tsu shacambi.

Josué 8:18

Tsonsi Na'suja Josuéma su: “Que oma'ccoma yasaja Hai canqqueningae. Nane que tivenga gi tsa canqquema afeya.” Tsa'caen susi Josuéja tise oma'ccoma yasá Hai canqqueningae.

Josué 8:7

que'ija tisu a'tupa ronda'je'ttie jangipa canqquenga ca'ni'faya'cho. Nane Na'su que Chiga tsu que'inga afeya.

Josué 9:7

Tsa'ma israendeccuja tsa heveondeccunga su'fa: —Isha que'ija ingi'ccu pporotsse canjensundeccumajan ¿ma'caen gi que'i'ccu fae'ngae injancco'faya?