Éxodo 23:25 - Cofán: Chiga Tevaen'jen

²⁵ Que Na'su Chigangayi iñajan'jen'faja. Tsa'caen iñajansi tsu que'i pan, toya'caen que'i tsa'ccuma'qque ñotsse tsoña. “Toya'caen paqque'suma'qque gi que'i'ye joqquitssiaña.

Éxodo 23:25 ပူးပေါင်းရင်းမြစ်များ

Salmos 103:3

Na'su tsu pa'cco ña egae tsincon'choma joqquitssian'su. Tise tsu pa'cco ña paji'cho'ye ñama ccushaen'su.

Éxodo 15:26

“Ña, que Na'su Chiga su'choma ñotsse in'jan'faja. Ña in'janqquia'caen tson'faja. Ña manda'choma pañamba tsomba pa'ccoma ña mandaqquia'caen nani'faja. Tsa'caen tson'fa'ninda gi ni fae paqque'suveyi'qque egiptondeccuma'caen tsoñambi. Nane ña gi Na'su Chiga que'ima ccushaen'su.”

Daniel 1:15

Diez a'ta pasasi tsendeccumbe ai'voja faesu dusunga tsa na'su anqque'suma an'jendeccumbe ai'voma ti'tsse quinsetssipa ti'tsse quin'anme da.

Levítico 26:3

“Que'i ña su'choma ñotsse pañamba ña manda'choma in'jamba tson'jen'ninda

Malaquías 3:10

Tsa'ma que'i chongayi'cho'cco enttingeve ña etti'su corifin'dima coira'je'ttinga i'faja cuintsu ña tsa'o anqque'sui'ccu on'baye. Ican'faja ña tson'choma atesuye. Ñoa'me gi ventanama fettaqquia'caen sefacco'su osha'cho ñotssiama que'inga tuiñaqquia'caen afeya.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Deuteronomio 6:13

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

1 Samuel 7:3

Tsonsi Samuelja poiyi'cco israendeccunga conda: “Que'i pa'cco injama'choi'ccu ñoa'me toequi Na'su Chiganga jiye in'jan'da que'i ñoña'cho chigama cati'faja. Toya'caen Astartéma ñoña'cho chigama'qque tsu cati'faya'cho. Tsesuma catipa tsu pa'cco tisu injama'choi'ccu tisu Chigaveyi in'jamba shondoya'cho. Tsa'caen tson'ninda tsu Na'suja que'ima ccushaeña filisteondeccu'ye.”