Éxodo 23:24 - Cofán: Chiga Tevaen'jen

²⁴ Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Éxodo 23:24 ပူးပေါင်းရင်းမြစ်များ

2 Reyes 17:11

Nane Na'su Chiga joqquitssian'cho a'i iñajanqquia'caeñi tsu israendeccu'qque poi se'fatssia iñajan'jen'ttinga ñome'bama oque oraen'fa. Tsa'caen egae tsincon'fasi tsu Na'su Chigaja tise'pama iyicca'ye.

2 Reyes 17:8

Somboemba faesu aindeccuma tteyamaña cuintsu israendeccu tise'pa andeni can'jeñe. Tsa'ma tsa faesu aindeccu mandaqquia'caeñi tsu Israel nasundeccu'qque egae tsincomba manda'fa. Tsa'cansi tsu Na'suja ccase tise'pama vanae.

Éxodo 20:3

“Faesu chigave ñama'caen an'bianjama.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Éxodo 23:32

“Tise'pai'ccu injancco'fajama ni tise'pa chigandeccuma in'jan'fajama;

Éxodo 23:33

ni tise'pama antte'fajama cuintsu que'i'ccu fae'ngae que'i andeni can'jeñe. Nane tsa'caen fae'ngae can'jen'fajama tise'pa que'ima in'jaensi tise'pa chigandeccuma in'jamba ñama egae tsinconsa'ne. Tsa'caen tson'da qui tisupama tsangae qqueña'faya.”

Éxodo 32:20

Tsa'caen tsomba jundeyi tsa vaura du'shuma isupa si'ngenga ttova ccuiña. Ttova ccuiñasi ñoa'me ju'rusi isupa vu'vutsse sun'dapa tsa'ccunga ganga. Gangapa manda cuintsu israendeccu tsa'su tsa'ccuma cu'i'faye.

Levítico 26:1

“¡Chigambindeqquiama iñajan'fajama ni ñoña'cho chigandeccuve ñoña'fajama! Que'i andeni patuma ccutsian'fajama ‘Vaja chiga’ qquen supa. Toya'caen tevaen'cho patuma ccutsian'fajama tsanga ccaru'faye. Nane Ña gi Na'su, que'i Chiga.

Números 25:2

Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.

Deuteronomio 7:5

Qquen tsu que'i tsoña'cho: tise'pa chiganga afe'je'cho oque oraen'jen'choma tsu osuiaña'cho. Toya'caen tsu tise'pa iñajan'jen'cho patu, quini'ccoma'qque ucca'sho catiya'cho. Toya'caen tise'pa ñoña'cho chigandeccuma'qque oqueya'cho.