Éxodo 23:21 - Cofán: Chiga Tevaen'jen

²¹ Tise'ye attufa'fajama. Tisema ñotsse paña'faja pañambiqquia'caen tsinconsa'ne. Nane tiseja ñoa'me ña'cantsse afa'su tsu. Que'i egae tsincon'choma aqque'paya'bi tsu.

Éxodo 23:21 ပူးပေါင်းရင်းမြစ်များ

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Salmos 78:40

A'i menia can'jemba tise'pa in'janqquia'caen tsain'bitsse tsomba Na'su Chigama pañambipa tisema ñoquimbian'fa.

Salmos 78:56

Tsa'ma ccase injanga tson'jen'fa Chiga tsoña'chove atesuye. Joccapitssia Chigama pañambipa tise'pa in'janqquia'caen tson'fa. Na'su manda'choma chi'gapa tsa'caen tson'fambi.

Éxodo 3:14

Iñajampañasi Chigaja su: —ña gi ñoa'me ña. Toya'caen israendeccungata qui suya: ‘Tsa ña gi qquen su'cho tsu que'ini ñama moe.’

Éxodo 32:34

Tsa'cansi japa aindeccuma angaja ña su'cho andeni. Ñama shondo'su tsu que'ima angaya. Tsa'ma maqui tise'pama vanaeña'cho a'ta nepisi gi tise'pa egae tsincon'chone vanaeña.

Isaías 42:8

Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Jeremías 23:6

Tise manda'je'ni judándeccuja ccusha'faya. Nane israendeccuja opatsse canse'faya. Qquen qui tisema afa'faya: ‘Na'su ingima ccushaen'su qui.’ ”

Malaquías 3:1

Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”

Números 14:11

Tsa'caen attiamba Na'su Chigaja Moisésnga su: —¿Mi'nge'e tsu aindeccuja ñama chi'gapa ‘Barembi tsu’ qquen su'je'faya? ¿Toya'caen mi'nge'e tsu ñame in'jambiqquia'caen canse'faya? Nane tsain'bitsse tise'panga ña oshacho'choma canjaensi atte'ma tsu ñame in'jan'fambi.

Números 14:35

Ña Na'su Chiga gi vama ñoa'metsse su: Tsa'caen gi va ega aindeccu fae'ngae bopa ñama chi'gasundeccunga tsoña. Va a'i menia tsu tise'pa sefaya'cho. Va'ttinga tsu pa'faya.

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Juan 10:30

Ña, ña Yaya gi fae'ccoyi'fa.

Juan 10:38

Tsa'ma Tise tson'choma tso'ninda, ñame in'jambi'a'qque, ña tson'choma attepa in'jan'faja. Tse'i qui atesupa canse'faya ma'ca'me'qque –ña Yayaja ñai'ccu jincho– ña'qque Tisei'ccu jincho.

Juan 5:23

cuintsu poiyi'cco a'i Chiga Quitsama in'janqquia'caen Dutssi'yema'qque in'jan'faye. Toya'caen majan Dutssi'yema chi'ga'ta tisema moen'su Chiga Quitsama'qque tsu chi'ga.

Efeso'su 4:30

Egae canse'fajama Chiga Qquendya'pa ingine ñombi'yesa'ne. Nane ingija Cristove in'jansi Chiga Qquendya'pa ingima angacan'su tsu. Ingima qqueñambe'yi angacañe tsu in'jan ccushaeña'cho a'ta napiya'ngae.

Deuteronomio 18:19

Ña Aya'fama afa'su ña mandapa afa'choma condasesi poiyi'cco majan tsama pañambian'da gi tsambe shacama canjaeña.

Colosa'su 2:9

Pa'cco osha'cho Chiga jincho tsu Jesús ai'voni ca'nimba canse. Toya'caen

Hebreo'su 12:25

Chiga Jesucristoi'ccu que'inga afa'choma ñotsse paña'faja. Chigaja tayopi'su a'inga Moisési'ccu condasesi paña'ma chi'ga'fa. Tise'pa tsa'caen aqquia a'i'ccu su'choma chi'gapa catiye'nijan ¿ma'caen qui que'ija Jesucristo su'choma chi'ga'ta ccusha'faya?

Hebreo'su 3:16

Tsa'caen susi ¿majan tsu tsa'caen Chiga Aya'fama paña'ma in'jambipa Chigama patsu qquen tsincon'fa? Ju, poiyi'cco Moisés angacansi Egipto andene sombopa jacansundeccu tsu tsa'caen tsincon'fa.

1 Juan 5:16

Majan tise faenga'su joqquitssianqque'su egae tsincon'chove tsinconsi atte'ta Chigama iñajaña'cho tisene cuintsu Chiga tsama ccushaeñe. Tsa'caen tsu Chigaja ccushaeña joqquitssianqque'su egae tsincon'chove tsincon'ninda. Majan egae tsincon'choja joqquitssi'masia. Tsane Chigama iñajañe mandambi gi.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Canjaen'cho 2:23

Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Canjaen'cho 2:8

Toya'caen Esmirna canqque'su Jesúsve in'jamba bo'fa'choma coira'sunga qquen tevaenjan: Qquen tsu Me'ttie'su toya'caen Osefa'tti'suja, tsa papa ccase qquendya'suja su:

Canjaen'cho 3:7

Filadelfia canqque'su Jesúsve in'jamba bo'fa'choma coira'sunga qquen tevaenjan: Tiseja ño'a. Tiseja tansintssia. Tayopi'su Na'su David fetta'je'cho yavema an'biamba jongoesuma fettasi cca'ija tsama piccoye oshambi; jongoesuma piccosi cca'ija tsama fettaye oshambi. Qquen tsu quenga su:

Jueces 13:18

Tsa'caen iñajampañasi su: —¿Jongoesie qui ña inisema atesuye in'jan? Tsaja ñoa'me atesu'ma'sia tsu.