Éxodo 23:20 - Cofán: Chiga Tevaen'jen

²⁰ “Que canjan, ña gi que'ima o'tie moeña ñama sefacconi'su shondo'suma cuintsu que'ima coirapa angaye que'imbe ñoña'cho andeni.

Éxodo 23:20 ပူးပေါင်းရင်းမြစ်များ

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 24:40

Qquen ña iñajampañasi tsu tiseja su: ‘Ñanda gi Na'su Chigave in'jamba canse. Tsa'cansi tise tsu tisema shondo'suma quei'ccu moeña cuintsu quema fuitepa ñotsse angasi queja tseni'su pushesuma ña dutssi'yembe iye ña antiandeccu'suma, nane, ña yaya'ye antiandeccu'suma.

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 48:16

Toya'caen quema sefacconi'su shondo'suja osha'cho ega'ye ñama ccushaen. Chigáne va ña dushundeccuma ñotsse tsonjan cuintsu tsendeccu'ye ña inisema aqque'pambitsse canse'faye; toya'caen ña yayandeccu, Abraham'ye toya'caen Isaac'ye inisema'qque injan'jen'faye. Va dushundeccuma ñotsse tsonjan cuintsu tsain'bie atapapa poi ande on'batsse canse'faye.”

Salmos 91:11

Nane Na'suja tisema sefacconi'su shondosundeccuma mandaya cuintsu mani que jacan'ni'qque coira'je'faye.

Éxodo 14:19

Chiga tsa'caen susi tse'faei'ccuyi Chigama sefacconi'su shondo'su toya'caen unjimba'cco israendeccuma o'tie jayi'cho cambiamba tsendeccumbe sepaccofanga da'fa.

Éxodo 23:23

Nane ñama sefacconi'su shondo'su tsu que'ima o'tie japa angaya tsa amorreo, hitita, ferezeo, cananeo, heveo, toya'caen jebuseondeccu can'jen'cho andeni. Tsendeccuma gi me'tsse sefaeña.

Éxodo 32:34

Tsa'cansi japa aindeccuma angaja ña su'cho andeni. Ñama shondo'su tsu que'ima angaya. Tsa'ma maqui tise'pama vanaeña'cho a'ta nepisi gi tise'pa egae tsincon'chone vanaeña.

Éxodo 33:14

Tsonsi Na'suja su: —Ñañi gi quema fuitepa toya'caen ñofaen'jeña.

Éxodo 33:2

Ña gi moeña ñama shondo'suma cuintsu que'ima angaye. Toya'caen gi tsoña cuintsu tsa ande'su cananeondeccu, amorreondeccu, hititandeccu, ferezeondeccu, heveondeccu, toya'caen jebuseondeccuma joqquitssiañe.

Zacarías 12:8

Ña, Na'su, gi Jerusaléni canjensundeccuma ñotsse coiraya. Majan ñoa'me oshambi'choa tsu tayopi'su na'su David'caen quin'anme da'faya. Toya'caen David omba'su dutssiyendeccu tsu Chiga'caen, Na'su Chigama sefacconi'su shondo'sia'caen aindeccuma angacan'faya.

Malaquías 3:1

Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.

Números 22:22

Tsa'caen Balaam tise boronga dyaipa jayisi dos tisema shondosundeccu'qque ja'fa. Tsa'ma Chigaja tise tsa'caen jasi iyicca'yepa manda Na'suma sefacconi'su shondo'su cuintsu Balaam panshansa'ne tsaiquima ttuye.

Mateo 25:34

Tsa'caen attufaemba na'su tsu tise tansinfani ccutsu'chondeccuma suya: “Ña Yaya tsu que'inga ñotsse tson. Ji'faja. Jipa Tise que'imbe ñoña'choma isu'faja. Nane andeve agattointene que'i Tise aindeccuve daya'chove in'jamba ñoña'choma jipa isu'faja.

Juan 14:3

Toya'caen ña tseni japa osha'choma ñoñamba gi ccase vani jiya que'ima i'ngiye cuintsu mani ña can'jen'ninda tseni que'i'qque can'jen'faye.

Josué 23:5

Nane Na'su, que'i Chiga, ñoa'me su'choi'ccu tise que'inga tayoe condaqquia'caen tsa andeni can'jen'cho aindeccuma joqquitssiansi qui que'ija tsa andema isu'faya.

Josué 5:13

Tsa'caen Jericó canqque pporotsse can'jemba Josuéja asuccocamba a'ima atte, sundaro matichima isu'cho tise isevetsse ccutsu'choma. Attepa tisenga catsepa qquen iñajampaña: —¿Que'qque ti qui ingi'su? ¿Tsambi'ta ingima iyiccayesundeccu'su?

Josué 5:14

A'ija su: —Ni que'i'su ni que'ima iyiccayesundeccu'sumbi gi. Tsa'ma Na'su Chigambe sundaro na'su gi ja'ño ji. Tsa'caen susi Josuéja andenga puntssamba tisema iñajampaña: —¿Jongoe qquen tsu Na'suja ña tisema shondo'sunga su?

Josué 6:2

Tsa'cansi Na'suja Josuéma su: “¡Que canjan! Tayo gi Jericóma patsupa que'inga afe. Nane tsa canqque na'su toya'caen poiyi'cco sundarondeccuma'qque gi que'inga afe.