Éxodo 20:20 - Cofán: Chiga Tevaen'jen

²⁰ Tsonsi Moisésja su: —¡Dyombe can'faja! Chigata tsu ji ingima atesucañe. Ñoa'me dyo'ta gi tisema dyoe'sui'ccuyi injan'jemba egae tsincombe canse'faya.

Éxodo 20:20 ပူးပေါင်းရင်းမြစ်များ

Génesis 20:11

Tsonsi Abrahamjan su: —Ñajan ‘Vani'su a'i Chigave in'jambipa ñama fi'ttipa ña pushema itsa'faya’ qquen in'jamba gi tsa'caen tson.

Génesis 22:1

Omboe Chigaja Abraham tise've in'jan'chove atesuye in'jamba mandacan. Tsa'caen in'jamba tise inisei'ccu tisema ttu'sesi Abrahamjan su: —Vani gi can'jen.

Génesis 22:12

Tsonsi sefacconi'su shondo'suja se'pipa su: —Du'shuma pporaenjama. Ja'ño gi atesu que Chigave ñotsse in'jan'choma. Nane Chigama pañamba qui que du'shu fae'ccoama se'pimbi ñanga afe'je.

Éxodo 14:13

Tsa'ma Moisésja tise'panga su: —Dyombe can'faja. Ñotsse in'jamba caña'jen'faja Na'su Chiga que'ima ccushaeña'choma. Nane minga'ni'qque qui ja'ño que'i atte'cho egiptondeccuma ccase atte'faya'bi.

Proverbios 3:7

Tisuja ñoa'me injama'pa qquen in'janjama. Tsa'ma Na'suve in'jamba pañamba osha'cho ega'ye joqquitssija.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Deuteronomio 6:2

Tsa'caen tson'jemba qui que'i dushundeccui'ccu Chiga que'i Na'suma ñotsse tson'faya. Poi a'ta, poi canqque'fa tsa'caen canse'fasi tsu Na'suja antteya que'i tsain'bitssi canqque'fave canse'faye.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.