15 “Cca'najama.
“Cca'najama. Afopoenjama ni tisupaporama afopoemba dañojama.
Egae tsincoñejan ñoa'me injama'pandeccu tsu. Ande na'su afe'chove isuye in'jamba tsu manda'je'fa. Injama'choma somboen'su'qque corifin'dima isuye atesu afe'sune ñotsse afaye. Joccapindeqquiaja tise'pa in'jangae in'jan'chove tsomba fae'ngae ñoña'fa canqquesundeccuma dañoñe.
Nane injama'choi'ccu tsu a'ija egae in'jan'fa. Egae in'jamba tsu fi'tticco'fa. Casara'chondeccu tsu faesui'ccu egae can'se'fa. Injanga tsandie pushesu anttembi'chondeqquia fae'ngae can'se'fa. Nane Cca'na'fa. Afopoen'fa. Afase'fa.
Qquen susi tsandie iñajampaña: —¿Majan manda'choma tsu pañamba tsoña'cho? Tsonsi Jesús su: —Cca'ima fi'ttijama. Faesumbe pushei'ccu cansejama. Cca'najama. Afopoenjama.
Ccofetta amppiamba su: —Chiga Tevaen'jengae Chiga tsu su: “Ña tsa'oja ñama iñajan'jen'tti tsu.” Tsa'ma que'ija va Chiga ettima ccanamba tsa'ove tson'fa.
Judasja mendeqquiama ñoa'me mende'yembi'ma qquenjan aqquia su. Tiseja ccanamba tsu. Nane ingi corifin'di bosama coira'supa tsani jincho'choma tsu cca'na.
Nane Chiga manda'choja qquen tsu su: “Tisunga antte'choma catijama. Fi'ttijama. Cca'najama. Faesune afopoenjama. Faesu an'bian'choma in'janjama.” Tsesu manda'cho, nane pa'cco Chiga manda'cho'qque va faesu manda'choi'ccu fae'ngatssi tsu: “Tisuma in'janqquia'caen tisupapora ñotsse in'jan'faja.”
Ni ccanambandeccu, ni osha'choma isuye panshaen in'jan'chondeccu, ni ccusipasundeccu, ni afasesundeccu, ni itsapasundeccu'qque Chigai'ccu fae'ngae can'jen'faya'bi.
Tayoe ccana'su cca'nambe'yi canse'faya'cho. Tisu tivei'ccu semamba osha'cho ñotssiave ñoñamba canse'faya'cho. Tsa'caen semamba ganamba va'chandeccuma fuite'faya'cho.
Tsa'ma ñotsse can'jen'faja faenga'sumbema in'jamba egae tsinconsa'ne. Tsa'caen tsincon'fa'nijan Chigaja iyicca'yepa que'i injama'choma somboeña ingi tayo que'inga condapa candusian'qquia'caen.
