Éxodo 2:11 - Cofán: Chiga Tevaen'jen

¹¹ Moisésja ñoa'me coenza a'ive dapa tise antiandeccuni pasia'su ja. Tsa'caen japa atte tise'pa sema'jen'choja ñoa'me aiye'pave tson'jen'choma. Toya'caen tsu atte egipto'su a'i tise antian'su hebreoma ochha'chha'je'choma.

Éxodo 2:11 ပူးပေါင်းရင်းမြစ်များ

Éxodo 1:11

Tsa'caen in'jamba egiptondeccuja mandasundeccuve ccutsiamba manda'fa cuintsu israendeccuma aiye'pa semambanga ca'nia'faye. Tsa'caen ca'niamba manda'fa cuintsu Pitón canqque toya'caen Ramsés canqqueve ñoña'faye. Nane egipto'su na'su faraónda tsu tsa canqqueve ñoña'faye manda tise an'bian'cho trigoma tseni boñañe.

Éxodo 3:7

Tsa'ma Na'su Chigaja ti'tsse afapa su: —A'tatsse gi atte ña aindeccu Egiptoni vana'jen'fa'choma. Toya'caen gi paña tise'pa ñombi'yepa fundo'je'choma semoesundeccu tise'pama vanae'jen'fasi. Ñoa'metsse gi atesu tise'pa ñombi'ye'je'choma.

Éxodo 5:4

Tsa'ma egipto'su na'suja su: —Moisés, Aarón, ¿jongoesie qui tisia'caen aindeccu sema'jen'chonga jipa qqueña'jen'fa? ¡Japa sema'jenga'faja!

Éxodo 5:5

Toya'caen tsu faraónjan su: —¿Ja'ñojan tsain'bio israendeccu va andeni can'jensi ti qui tise'pa sema'bama anttiañe in'jan'fa?

Éxodo 5:9

Va aindeccuma ti'tsse quian'me semoen'faja. Semambaniñi an'bian'faja cuintsu afopoencambe can'faye.

Mateo 11:28

Ñani ji'faja poiyi'cco que'i majan semamba vanasundeccu. Ñani jisi gi que'ima ño'faeña.

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.