Éxodo 19:18 - Cofán: Chiga Tevaen'jen

¹⁸ Tsonsi si'nge enttinge'ye Chiga Sinaí ccotta'cconga andesi tsu tsa ccotta'cco'ye onfen'ba sombo. Nane onfen'bata tsu panme matssan'jen'cho'ye somboqquia'caen oro'je. Toya'caen pa'cco ccotta'cco tsu dyo'oe oya'je.

Éxodo 19:18 ပူးပေါင်းရင်းမြစ်များ

Génesis 11:5

Tsa'ma Na'su Chigaja a'i ñoña'cho canqquema atteye ande. Toya'caen tsu a'i ñoña'cho se'fatssia tsa'oma atteye in'jan.

Génesis 15:17

Tsonsi chiga amppipa tayo si'en dasi oro'je'cho si'ngema angaqque'su api, si'nge anchanda'je'cho'qque attiamba tsa gettipa ccuiña'cho enttinge'ye panshan'fa.

Génesis 19:28

can Jordán na'en'su sinjunccunima, toya'caen Sodoma, Gomorranima. Camba onfen'bama atte. Nane pa'cco sinjunccu tsu si'nge ju'ruqquia'caen oro'je.

Éxodo 19:13

Tsa'ma majañi'qque tisema pporaembe'yi patui'ccu tsambi'ta oma'ccoi'ccu tsu fi'ttiya'cho. Nane a'i tsambi'ta aiña'cho tsa'caen tson'ninda tsu junde fi'ttiya'cho. Tsonjen'choma pañambayi tsu aindeccuja tsa ccotta'cconga catseye osha'fa.

Éxodo 19:17

Tsa'caen tsonsi Moisésja aindeccuma canqque'ye somboemba anga Chigai'ccu cachuiccoye. Angapa tise'pama ccotta'cco utufanga ccutsian itoyian.

Éxodo 20:18

Poiyi'cco israendeccu tsu tsa tsanda veyaemba afa'choma, tsonjen'cho jen'choma, toya'caen ccotta'cco'ye onfen'ba sombo'choma attesundeccu. Tsa'ma tsama attepa ñoa'me dyopa tse'ttie joqquitssi'cca'fa.

Éxodo 24:17

Israendeccu tsosiccuni ccutsu'chondeccu Na'su Chiga ñotssiama attesi tsu ñoa'me ccotta'cco tansin'chone si'nge anchanda'jeqquia'caen attian tise'pa tso'fenga.

Éxodo 3:2

Tse'ttinga tsu Chigama sefacconi'su shondo'suja quini'si si'ngeve anchandasi Moisésnga attian. Moisésja tsama ñotsse camba in'jan quini'sija si'ngeve anchanda'ma ñoa'me ju'rumbi.

Éxodo 34:2

Toya'caen tisuma ñoñajan tu'i sinte'yi Sinaí ccotta'cconga ansundeya'chove. Ansundepa ña tansin'choni can'jen'chonga catseja.

Isaías 6:4

Cansepa jinchondeccu tsa'caen afa'fasi poi Chiga etti'su sombo'tti oya'jesi pa'cco ettinga onfen'bayi on'ba.

Mateo 24:7

Fae ande'su faesu ande'sui'ccu iyicco'faya'cho. Fae na'su faesu na'sui'ccu iyiccopa geraen'faya'cho. Cca'tti, cca'tti aindeccuja qquipoe'su'faya. Osha'cho paqque'sunga setsaye'faya. Ande'qque cca'tti, cca'tti oya'jeya.

2 Tesalónica'su 1:7

Toya'caen que'i vanasundeccuma'qque ingi'ccu fae'ngae ño'faemba tsu tansintsse tsoña. Nane tsequi a'ta Na'su Jesús tise quin'an sefani'su shondosundeccui'ccu sefaccone attiamba tsu si'nge anchanda'je'choi'ccu jipa

2 Tesalónica'su 1:8

Chigave in'jambindeqquiama oqueya. Tsendeccuja Jesucristone ñotsse condase'choma paña'fambisi tsu tsa'caen oqueya.

Hebreo'su 12:18

Tayopi Chigaja aindeccunga condasesi dyo'fa. Que'ija tsendeqquia'caen Chigama paña'fambi. Nane pañasundeccuja Sinaí ccotta'cconga ca'tsa napijipa bo'fa. Tsa ccotta'cconi sintssi dyo'tssi ccutsusi tsu attepa in'jan'fa Chigaja pporotsse can'jen. Si'nge anchanda'je'choma'qque atte'fa. Toya'caen quia'me fingiansi tsanda tsu afa.

Hebreo'su 12:26

Tsaite Chiga Moisési'ccu condasesi andeja oya. Tsa'ma ja'ño Tiseja ñoa'me tsoña'chone qquen tansintsse conda: “Toya'caen fae seyi gi ccase andema oyaeña. Nane ande, sefaccoma'qque gi oyaeña.”

2 Pedro 3:10

Tsa'ma ccanamba cose a'tutsse jiqquia'caen Na'su jiya'cho a'ta tsu ingi in'jambi'te napiya. Tse'faei'ccuyi sefaccoja quia'me jemba pasaya. Osha'chove ñoña'chomajan ju'rutssia si'ngei'ccu oque tssutssiaña. Andema, osha'cho tsani jincho'choma'qque oque catiya.

Canjaen'cho 15:8

Tasama afesi Chigaja osha'choma oshachopa Tise ñotssiama canjaeñe tsu onfen'bama Chiga ettinga on'boen. Onfen'ba on'ba'osi majañi'qque Chiga ettinga ca'niñe osha'fambi. Nane siete sefacconi'su shondosundeccu tsa siete paqque'suma toya zaiñambisi majañi'qque Chiga ettinga ca'niñe osha'fambi.

Canjaen'cho 9:2

Afesi japa ande tsosinima can'jen'cho chango sombo'ttima fetta. Tsama fettasi tsu onfen'baja sombo. Nane rande ju'ruqque'su si'ngema oque o'rae'ma'caen onfen'baja sombopa piccosi coejechiga, sefacco'qque si'ame da'fa.