Éxodo 17:14 - Cofán: Chiga Tevaen'jen

¹⁴ Tsonsi Na'su Chigaja Moisésnga su: —Va tson'choma tevaenjan tisu injan'jeñe. Toya'caen Josuénga suja amalecitandeccuma fi'ttipa gi tise'pane injan'jen'choma'qque metsse ccuchaya.

Éxodo 17:14 ပူးပေါင်းရင်းမြစ်များ

Job 19:23

¡In'jan gi majan ña aya'fa su'choma jongoesu congon'ma'sia'nga tevaeñe cuintsu tsangae jinchoye!

Éxodo 12:14

Ña tsa'caen tson'choma injan'jemba qui tsesu ccovu nepi'ninda rande fiestave ñane tson'faya'cho. Tsa'caen que'i tson'chota tsu tsangae jinchoya. Que'i omba'su dushundeccu'qque cuintsu injan'jemba tsa'caen tson'jen'faya'chove.

Éxodo 17:13

Tsa'caen tsonsi Josuéja tisu aindeccui'ccu amalecitandeccuma ganamba matichi'ccu fitti'tti.

Éxodo 24:4

Tsa'caen su'fasi Moisésja pa'cco Na'su Chiga su'choma tevaen. Ccaqui a'ta ñoa'me sinte'yi jangipa ccotta'cco tsosiccuni Chiganga afeye oque'je'chove ñoña. Toya'caen dose patu biaccova'ma'qque ccutsutsian cuintsu dose Israel naccuve canjeñe.

Éxodo 32:33

Tsa'ma Na'su Chigaja qquen su: —Jo'su ñama chi'gapa egae tsinconsundeccumbe iniseveyi gi ccuchaya.

Éxodo 34:27

Na'su Chigaja Moisésma su: “Va ña su'choma tevaenjan. Nane va su'choja ña quei'ccu toya'caen israendeccui'ccu'qque injancco'fa'chove su'cho tsu.”

Números 24:20

Tsomba Balaamjan Amalec aindeccuma attepa qquen su: “Amalecja poi aindeccuma ti'tsse'tssia tsu. Tsa'ma osefa'poe tsu me'tsse daya.”

Josué 4:7

tise'panga conda'faja ma'caen Na'su Chiga a'i'ccu injancco'fa'cho cafon Jordán na'ema isesi na'en ai'je'cho pasa'choma. Tsa Jordán na'ema ise'je'ni tsu na'enjan ai'jembi. Va patu tsu tsangae Israel aindeccuma tise'pa va'ttinga ma'caen da'chove injaen'jeña.”

1 Samuel 15:18

Toya'caen amalecitandeccu egae tsinconsi tsu Na'su Chigaja quema manda japa tise'pama fitti'tti sefaeñe. Gerave tsomba tise'pama sefaeña'gae fitti'ttiye mandasi