Éxodo 16:20 - Cofán: Chiga Tevaen'jen

²⁰ Tsa'caen Moisés su'choma paña'ma majandeccuja ccaqui a'tane'qque anqque'suma antte'fa. Tsa'ma tise'pa anttepa ñoña'choja misiangepa tssu'jutsse tssu'jian. Tsa'caen tson'fasi Moisésja tsendeccuma iyicca'ye.

Éxodo 16:20 ပူးပေါင်းရင်းမြစ်များ

Éxodo 16:19

Omboe Moisésja su: —Majañi'qque tsu ccaqui a'tane antte'masia.

Éxodo 16:21

Poiyi'cco tsu tisupa aña'chove sinte'yi tai'je'fa. Nane coe'je de'ninda pa'cco tsu tssutssu'je.

Éxodo 16:24

Tsendeccuja Moisés manda'choma pañamba tsequi a'ta an antteye'choma ccaquine ñoña'fa. Ccaqui a'tasi tise'pa ñoña'choja tssu'jiambi ni misiangembi.

Números 12:3

Ñoa'metsseta tsu Moisésja poi andesundeccuma bove'cco qquen injancho.

Números 16:15

Tsa'caen su'fa'choma pañamba Moisésja ñoa'me iyicca'yepa Na'su Chiganga su: —¡Tise'pa quenga afe'je'choma in'janjama! Ñanda gi ni fae boroveyi'qque tsendeccuma itsambi. Toya'caen majameñi'qque gi egae tsombi.

Mateo 6:19

Va andeni osha'cho jinqque'suma patsupa panshaen an'bian'fajama. Va andeni jinqque'suja ccopapaje'e daye atesu. Shipicco'qque amba da'ñoñe atesu. Ccanambandeccu a'tutsse ca'nimba cca'na'fa.

Marcos 10:14

Iyu'je'fasi Jesús attepa iyicca'yepa su: —Antte'faja cuintsu dushundeccu ñanga ji'faye. Nane tise'pama se'pimbe can'faja. Majan Chigambe a'ija va dushundeqquia'can tsu.

Marcos 3:5

Tsonsi Jesús piyicamba iyicca'yepa ñombi'ye, tsendeccu injama'cho shacapa in'jan'fambisi. Tsomba paji'suma su: —Yasaja que tivema. Yasapa tise tiveja ccusha.

Lucas 12:15

Tsomba Jesúsja poiyi'cconga su: —Injama'tse. Faesumbema in'jan'fajama. Osha'choma an'biambi'a'qque toya qui ñotsse canse'faya.

Lucas 12:33

Que'i vani an'bian'choma chavaen'faja mendeqquianga afeye. Tsa'caen afepa qui Chiga sefacconi osha'cho ñotssiama boña'faya. Tseni an'bian'choja mingui'te'qque sefaya'bi ni tssoruve daya'bi. Ccanamba'qque cca'nañe oshambi ni shipicco añe oshambi.

Efeso'su 4:26

In'jan'faja injama'choni iyicca'yepa egae tsinconsa'ne. Cca'ima iyicca'ye'ta toya cosembi'te tsu ñoquiaña'cho.

Hebreo'su 13:5

Panshaen corifin'dive in'jambe'yi canse'faja. Chiga Quitsaja su: “Ñajan que'ima catiya'bi gi. Tsangae gi que'ima an'biaña.” Tsa'caen Chiga su'choma in'jamba que'i tayo an'bian'choi'ccuyi ñotsse avujatsse canse'faja.