Éxodo 15:26 - Cofán: Chiga Tevaen'jen

²⁶ “Ña, que Na'su Chiga su'choma ñotsse in'jan'faja. Ña in'janqquia'caen tson'faja. Ña manda'choma pañamba tsomba pa'ccoma ña mandaqquia'caen nani'faja. Tsa'caen tson'fa'ninda gi ni fae paqque'suveyi'qque egiptondeccuma'caen tsoñambi. Nane ña gi Na'su Chiga que'ima ccushaen'su.”

Éxodo 15:26 ပူးပေါင်းရင်းမြစ်များ

1 Reyes 11:33

Nane Salomón ñama catisi gi tsa'caen tsoña. Ja'ño tsu tiseja Astarté, sidóni'su chiga, Quemos, tsa moabita'su chiga, toya'caen Milcom, tsa amonita'su chigama iñajan'jen. Ñajan in'jambi gi tise tson'jen'choma. Toya'caen tise yaya David'yecambipa ña manda'choma, ña in'jamba tevaen'choma'qque pañambi.

2 Reyes 22:2

Josíasja tise tayopi'su antian David'ye mandaqquia'caen egae tsincombe'yi ñotsse manda'jesi Na'su Chiga tise ñotsse tson'choma atte.

Salmos 103:3

Na'su tsu pa'cco ña egae tsincon'choma joqquitssian'su. Tise tsu pa'cco ña paji'cho'ye ñama ccushaen'su.

Éxodo 12:29

Tsomba tse'i enttinge cose Na'su Chigaja egiptosundeccu aisheve isu'chondeccuma fitti'tti. Nane faraón, na'su dyaipa'chonga dyai'sumbe dutssi'ye coenza toya'caen indiyepa can'jen'chombe dutssi'ye coenza tsu fae'ngae pa'fa. Toya'caen tsu tise'pa aiña'cho aisheve isu'chondeccu'qque pa'cco pa'fa.

Éxodo 19:5

Tsa'camba que'i ñama ñotsse pañamba ñai'ccu injancco'ta qui ñoa'me ña aindeccu'faya. Nane poi ande'su aindeccu tsu ñambe'fa. Tsa'ma que'ija poiyi'cco aindeccuma ti'tsse ñambe'faya qui.

Éxodo 19:6

Que'i qui ñoa'me ñama afa'su aindeccuve da'faya. Ñoa'me ñama shondo'su aindeccu'faya qui.’ Pa'cco va ña su'choma israendeccunga condaja.

Éxodo 20:2

“Ña gi Na'su, que Chiga, que Egiptoni tsangae sema'suve da'cho'ye somboen'su.

Éxodo 23:25

Que Na'su Chigangayi iñajan'jen'faja. Tsa'caen iñajansi tsu que'i pan, toya'caen que'i tsa'ccuma'qque ñotsse tsoña. “Toya'caen paqque'suma'qque gi que'i'ye joqquitssiaña.

Isaías 55:3

Ñani jipa ñama paña'faja. Ñama pañamba canse'faja. Nane tsangae injancco'fa'chove gi que'i'ccu afapa tson'jeña ña tayopi'su David'yenga ñotsse in'jamba afa'cho cuintsu ja'ño nepiye.

Oseas 11:3

Ñajan Efraín tive'ye fendepa angacan cuintsu tsui jacañe atesuye. Tsa'ma tsendeccuja ña tise'pama coira'je'chove atesu'fambi.

Oseas 6:1

Jinge poiyi'cco shandapa ccase Na'sunga ja'faye. Tiseja ingima daño'an'qque ccushaeña. Ingima iñaccaen'an'qque se'jeya.

Levítico 26:13

Ña gi Na'su, que'i Chiga, Egipto'ye que'ima somboen'su. Nane egiptondeccu ti'tsse que'ima semoesa'ne gi que'i candenama u'ccaqquia'caen que'ima ccushaen cuintsu que'i ansangembe'yi opatsse canse'faye.

Levítico 26:3

“Que'i ña su'choma ñotsse pañamba ña manda'choma in'jamba tson'jen'ninda

Números 12:13

Tsa'caen susi Moisésja Na'su Chigama qquen iñajan: “Na'su Chiga, quema gi iñajan chigáne ccushaenjan.”

Deuteronomio 28:58

“Osha'cho va tevaen'jeni tevaemba manda'choma ñotsse pañamba tson'faja. Toya'caen Na'su que'i Chiga joccapitssia inisema dyoe'sui'ccu ñotsse in'jan'faja.

Deuteronomio 28:60

Nane egiptondeccunga egae daqque'suma, tsa que'i dyoqque'suma, moesi qui tsangae vana'jen'faya.