Éxodo 15:25 - Cofán: Chiga Tevaen'jen

²⁵ Tsonsi Moisésja Na'su Chigama iñajan cuintsu tisema fuiteye. Iñajansi Na'suja quinisisiccoma canjaen. Tsa'caen canjaensi Moisés tsa quinisisiccoma saipa tsa'ccunga ttovasi ñoa'me ñotssia tsa'ccuve da. Nane tseni tsu Na'su Chigaja israendeccu tson'choma atesuye in'jamba tsa'caen tson. Toya'caen tsu Na'su Chigaja israendeccunga qquen supa manda'choma afa tise'pa ma'caen canse'faya'chove:

Éxodo 15:25 ပူးပေါင်းရင်းမြစ်များ

Salmos 91:15

Ñama iñajansi gi pañamba afaya. ¡Nane ña gi tisei'ccu can'jeña! Tise injama'choma gi vuiquiaña cuintsu opatsse can'jeñe. Toya'caen gi tisema ñotssiave tsoña.

Éxodo 14:10

Israendeccuja tsa'caen egiptondeccu catseji'fa'choma attepa ñoa'me dyopa Na'su Chigama iñajan'fa cuintsu tise'pama fuiteye.

Éxodo 16:4

Tsonsi Na'su Chigaja Moisésnga su: —Unjin tuiqquia'caen gi sefacconi'su aña'cho nama amppiañe tson'jen cuintsu an'faye. Aindeccuta tsu poi a'ta japa tsequi a'tane'ñi tai'je'faya'cho. Atesuye gi in'jan majan ñama paña'faya'chove toya'caen majan me'inchoa've.

Éxodo 17:4

Pañamba Moisésja Na'su Chigama iñajan: —¿Ma'caen gi va aindeccunga tsoña? Maqui'ta tsu ñama patui'ccu fi'tti'faya.

Éxodo 20:20

Tsonsi Moisésja su: —¡Dyombe can'faja! Chigata tsu ji ingima atesucañe. Ñoa'me dyo'ta gi tisema dyoe'sui'ccuyi injan'jemba egae tsincombe canse'faya.

1 Corinto'su 1:18

Qqueya'chondeccuja Jesús avuja'cconga pa'chone condase'choma chi'gapa “injiengembitssia afa'cho” qquen tsu in'jan'fa. Tsa'ma ingi, ccushaya'chondeccuja, pañamba Chiga ingima ñoa'me in'jaen'cho tsu, qquen gi in'jan'fa.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.

Jueces 2:22

Na'suja tsa'caen antte israendeccu tsendeccui'ccu fae'ngae can'jemba ma'caen tsoña'choma atesuye; nane tise'pa tayopisundeqquia'caen Na'su Chigama pañañe, tsambi'ta pañambi'choave atesuye.