Éxodo 14:31 - Cofán: Chiga Tevaen'jen

³¹ Israendeccuja tsa'caen Chiga osha'choma oshachopa egiptondeccuma tsa'caen tson'choma attepa Na'su Chigama ñotsse afa'fa. Toya'caen Na'su Chiga tise suqquia'caen tsonsi tise've ñotsse in'jan'fa. Tisema shondo'su Moisésma'qque tsa'caeñi in'jamba paña'fa.

Éxodo 14:31 ပူးပေါင်းရင်းမြစ်များ

Éxodo 19:9

pañamba Na'suja su: —Que canjan, sintssia unjimba'cco'ye gi quenga attiaña cuintsu aindeccuja ña quenga afa'choma pañamba tsangae quema ñotsse in'jamba paña'jen'faye. Moisésja ccase aindeccu su'choma Na'sunga condasi

Éxodo 4:31

Tsama pañamba aindeccuja ñotsse in'jan'fa. Na'su Chiga tise'pama injan'jemba tise'pa vana'jen'choma attesi puntssamba Chigama iñajan'fa.

Lucas 8:13

Majan a'ija patupa andenga sheque'choacan'fa tsu. Tseyi Chiga Aya'fama pañamba avujatsse in'jan'fa. Tsa'ma setsa'fa shacaqquia'caen injama'cho ta'etssimbi. Re'riccone in'jamba me'detsse canse'ta antte'fa.

Juan 11:45

Tsa'caen tsonsi tsain'bio Maríama can'su ji'chondeccu Jesús tson'choma attepa Jesúsve in'jan'fa.

Juan 2:11

Tsa'caen tsu Galilea'su Canáni Jesúsja me'ttia'ye canjaen tise osha'choma oshacho'choan. Ingi tisema shondosundeccu'qque attepa gi Tise've in'jan'fa.

Tson'fa'cho 8:13

Toya'caen Simón'qque Cristove in'jamba fetiye. Fetiyepa Felipei'ccu fae'ngae jacañe ashaen. Sefani'su canjaen'cho, sefani'su agattoen'choma'qque attepa can'boemba asi'ttaen.

Hebreo'su 3:5

Chiga mandasi Moisésja Chiga aindeccui'ccu can'jemba Chiga in'janqquia'caen tson. Chiga jai'ngae a'inga ñotsse condaseya'chone atesiamba canjaen. Tsa'camba tsu Moisésja ñotssia shondo'su.

Josué 4:14

Tsequi a'ta tsu Na'suja Josuéma ti'tsse'tssia've tson cuintsu Moisés cansuite in'janqquia'caen tisema'qque ñotsse in'jamba paña'faye.

Josué 4:24

Tsa'caen tsu tson cuintsu poi ande'su aindeccu atesu'faye Na'su Chiga osha'choma oshacho'chove. Toya'caen tsu tsa'caen tson cuintsu ingija tsangae dyoe'sui'ccu Na'su Chigama injan'jeñe.’ ”