Éxodo 14:19 - Cofán: Chiga Tevaen'jen

¹⁹ Chiga tsa'caen susi tse'faei'ccuyi Chigama sefacconi'su shondo'su toya'caen unjimba'cco israendeccuma o'tie jayi'cho cambiamba tsendeccumbe sepaccofanga da'fa.

Éxodo 14:19 ပူးပေါင်းရင်းမြစ်များ

Salmos 78:53

Ñotsse coirapa angacansi dyombe'yi jaja'fa. Tsa'ma tisema mandiansundeccuja pa'fa, na'en tise'pama piccosi.

Éxodo 14:20

Tsa'caen dapa tsu tsa unjimba'ccoja egipto'su sundarondeccumbe otufae attiamba toya'caen israendeccumbe sepaccofae attian'jen. Egiptondeccungaja si'ame attian. Tsa'ma israendeccungaja a'tatssia've chanjumba tise'pama chanjien. Tsa'cansi egiptondeccuja tsequi cose israendeccunga catseye osha'fambi.

Éxodo 14:24

Tsa'ma a'taningae Na'su Chigaja unjimba'cco toya'caen si'nge'ye egipto sundarondeccuma attepa tise'pama qqueña.

Éxodo 32:34

Tsa'cansi japa aindeccuma angaja ña su'cho andeni. Ñama shondo'su tsu que'ima angaya. Tsa'ma maqui tise'pama vanaeña'cho a'ta nepisi gi tise'pa egae tsincon'chone vanaeña.

Isaías 52:12

Tsa'ma dyopa cunshoa'me butto sombo'faya'bi qui. Nane Na'su, Israel Chiga tsu poifanga que'ima ñotsse coirapa angacaña.

Zacarías 12:8

Ña, Na'su, gi Jerusaléni canjensundeccuma ñotsse coiraya. Majan ñoa'me oshambi'choa tsu tayopi'su na'su David'caen quin'anme da'faya. Toya'caen David omba'su dutssiyendeccu tsu Chiga'caen, Na'su Chigama sefacconi'su shondo'sia'caen aindeccuma angacan'faya.

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.