Éxodo 13:17 - Cofán: Chiga Tevaen'jen

¹⁷ Tsa'caen faraón israendeccu jaya'chove anttesi Chigaja Filisteo andeni, tsa tansintsse Canaán andeni jaya'cho tsaiqui'ye, angambi. Nane in'jamba'qque israendeccu Filisteo sundarondeccuma attepa dyopa toe Egipto andeni shanda'fasa'ne.

Éxodo 13:17 ပူးပေါင်းရင်းမြစ်များ

1 Reyes 8:47

Tsa'caen patsusundeccu angasi indiyepa can'jemba que aindeccu injama'choni cambiamba ccase quema iñajan'ninda tise'pama pañajan. Nane tseni can'jemba tisupa egae tsincon'choma in'jamba injama'cho tsosipie ñombi'yepa va que tise'pa tayopisundeccunga afe'cho andema, que in'jan'cho canqquema, toya'caen que tise'panga afe'cho quema iñajan'jen'cho ettima'qque biane canqquia'caen in'jan'fa'ninda tise'pama pañajan. Tise'pa i'namba afa'choma sefaccone, que can'jene, pañamba tise'pama fuiteja.

Éxodo 14:10

Israendeccuja tsa'caen egiptondeccu catseji'fa'choma attepa ñoa'me dyopa Na'su Chigama iñajan'fa cuintsu tise'pama fuiteye.

Tson'fa'cho 15:38

Tsa'ma Pabloja in'jambi, tayoe Panfiliani japa Marcos tise'pai'ccu semambe'yi shandain jasi.

Tson'fa'cho 7:39

Toya'caen tsu Chiga Aya'fama paña'ma ingi tayopi'su coenzandeccuja Moisésma chi'gapa toe Egiptoni jaye in'jan'fa.

Hebreo'su 11:27

Nane omboe Moisésja Chigave in'jamba israe aindeccuma angacamba Egipto ande'ye somboen faesu andeni jaye. Egipto'su na'su iyicca'yepa se'pi'ni'qque Moisésja dyombe'yi a'ima somboen. Nane attembi'a'qque Chiga tisei'ccu fae'ngae jacan qquen in'jamba dyombi'tsse a'ima somboemba angacan.

Jueces 7:3

Tsa'cansi poiyi'cco tsandiendeccunga condaja: ‘Poiyi'cco majan dyojo'ma jayi'ta tsu toequi shandaye osha'fa tise'pa tsaoni.’ ” Tsa'caen susi pañamba Gedeón condasi tsu veinte y dos mil tsandie shanda'fa. Tsa'ma toya tsu diez mil can'jen'fa.