Éxodo 12:36 - Cofán: Chiga Tevaen'jen

³⁶ Iñajan'fasi Na'su Chigaja egiptondeccuma in'jaen cuintsu se'pimbe'yi israendeccu iñajan'choma afe'faye. Israendeccu tsa'caen tsonsi tsu egiptondeccuja me'cco catiye'fa.

Éxodo 12:36 ပူးပေါင်းရင်းမြစ်များ

Génesis 15:14

Tsa'ma tise'pama vanaesundeccumbe injama'choma gi somboeña. Nane tsa andema gi vanaeña que dutssiyendeccuma ccushaeñe. Ccushapa sombopa tsu osha'cho ñotssia bare'choma an'bian'faya.

Génesis 39:21

Na'su Chigaja Joséi'ccu can'jemba tisu ñotsse tsoña'chove canjaen'jen. Nane cuintsu picco'jeccuni'su na'su Joséma ñotsse in'jaña'chove Chigaja antte.

Esdras 1:6

Jayimbindeqquia tsu cori, totoacori, osha'cho tise'pa canseqque'suma, aiña'choma'qque afepa tise'pama fuite'fa. Toya'caen tsu tisu in'janqquia'caen osha'choma afe'fa cuintsu Chiga ettive ñotsse tsao'ña'faye.

Salmos 105:37

Tse'i Chigaja tise aindeccuma Egipto'ye somboen. Nane injan'tsse cori, totoacorima'qque andupa dyombi'tsse quin'sui'ccu sombo'fa.

Éxodo 11:2

Tsa'ma ja'ño israendeccuma mandaja tsandiendeccu, pushesundeccu'qque cuintsu tise'pai'ccu pporotsse canjen'su tsandiendeccuma toya'caen pushesundeccuma'qque cori, totoacorima ñoña'choma iñajan'faye.

Éxodo 11:3

(Nane Na'su Chiga egiptondeccuma in'jaensi tsendeccuja israendeccuma ñoa'me ñotsse in'jan'fa. Toya'caen faraónma shondosundeccu, poiyi'cco egipto'su aindeccu'qque Moisésja tise'pama ti'tsse joccapitssia qquen in'jan'fa.)

Daniel 1:9

Chiga tisema in'jaensi na'su tsa'oma coira'su na'suja ñotsse Danielma

Tson'fa'cho 2:47

Chigama iñajamba avujatsse afa'fa. Tsa'caen canse'fasi cca'indeccuja camba tsendeccuma ñotsse in'jan'fa. Toya'caen poi a'ta na'su Chigaja a'ima in'jaensi ti'tsse'tssi a'i Jesúsve in'jan'fa. Tsa'caen in'jamba faenga'su Jesúsve in'jan'chondeccui'ccu bo'fa.

Tson'fa'cho 7:10

tise vana'jen'choma pasaen. Tsa'caen fuitepa Chiga in'jaensi José osha'choma atesuchosi Egipto'su na'su, Faraónjan tisema in'jan. Nane Faraónjan Joséma in'jamba na'su quini'cco'pave tson. Nane Egipto ande'su governarorve, Faraón tsa'o na'suve'qque tson.