Éxodo 12:32 - Cofán: Chiga Tevaen'jen

³² Toya'caen que'i oveja, que'i vaurama'qque que'i in'janqquia'caen angapa ja'faja. Japa ñane'qque Chigama iñajan'faja.

Éxodo 12:32 ပူးပေါင်းရင်းမြစ်များ

Génesis 15:14

Tsa'ma tise'pama vanaesundeccumbe injama'choma gi somboeña. Nane tsa andema gi vanaeña que dutssiyendeccuma ccushaeñe. Ccushapa sombopa tsu osha'cho ñotssia bare'choma an'bian'faya.

Génesis 27:34

Esaúja tise yaya su'choma pañamba quian'me i'namba fundopa afa: —Ñanga'qque ñotsse tsoña'chove afaja, yaya.

Génesis 27:38

Tsa'ma Esaúja quian'me iñajamba su: —¿Aqquia fae afa'choveyi ti qui an'bian, yaya? Chigáne ñanga'qque ñotsse tsoña'chove afaja. Tsa'caen supa ccase i'na fundo.

Éxodo 10:26

Toya'caen pa'cco ingi aiña'cho ingi'ccu tsu jaya'cho. Ni fae'ccoyi'qque tsu vani catiyeya'bi. Nane tsendeccu'suma gi indipa oque oraen'jen'faya'cho Na'su Chigama iñajañe. Toya tseni jambipa gi jongoesuma Na'su Chiganga afeya'chove atesu'fambi.

Éxodo 10:9

Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 8:28

Tsa'caen susi faraónjan su: —Antteya gi que'i a'i menia japa Na'su que'i Chiganga oque oraemba afe'faye. Tsa'ma in'jambi gi que'i panshaen biani ja'faye. Toya'caen ñane'qque que'i Chigama iñajan'faja.

Éxodo 9:28

Panshaen tsu tsanda toya'caen tsandapandaqui ingima vanae'jen. Tsa'cansi gi ti'tsse que'ima sepi'jeye in'jambi. Nane Na'su Chigama ingine iñajansi gi que'i jaye antteya.