Éxodo 12:31 - Cofán: Chiga Tevaen'jen

³¹ Tsequi cose'yi faraónjan manda cuintsu Moisés toya'caen Aarónma ttu'sepa qquen condaye: —¡Ja'faja! Joqquitssi'faja ña aindeccu'ye que'i poiyi'cco israendeccui'ccu. Japa que'i suqquia'caen Na'su Chigama iñajan'faja.

Éxodo 12:31 ပူးပေါင်းရင်းမြစ်များ

Salmos 105:38

Egiptondeccuja israendeccuma dyopa avujatsse tise'pama can moe'fa.

Éxodo 10:29

Tsonsi Moisésja su: —Ñotsse qui su. Ccase can'su ji'jeya'bi gi.

Éxodo 10:9

Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 11:1

Tsa'ma toya sombo'fambi'te Na'su Chigaja Moisésnga qquen su: —Ccase gi faesu paqque'suma faraónga toya'caen poiyi'cco egiptondeccunga moeña. Tsa'caen tsonsi faraónjan que'i tisupatsse jaye anttembi'ma tise'yi tsu que'ima va ande'ye tteya moeña.

Éxodo 11:8

Tsa'caen dasi tsu poiyi'cco quema shondosundeccu jipa ccaru dyaipa ñama iñajamba su'faya: ‘¡Junde que, toya'caen que aindeccui'ccu jaja'faja!’ Tsa'caen susi gi ja'faya. Tsomba Moisésja ñoa'me iyicca'yepa faraón dyai'ttie sombopa ja.

Éxodo 12:39

Egiptondeccu cunshoa'me mandasi sombopa japa toya anqque'suma aquiambe'yi ja'fa. Tsa'camba tse'ttinga nepipa tise'pa egiptone i'cho toya cunama pan cupana'cco me'choave matssan'fa.

Éxodo 6:1

Tsama pañamba Na'su Chigaja su: —Ja'ño qui atteya ña faraónga tsoña'choma. Nane jo'su vanae'choi'ccuyi tsu antteya cuintsu que'i tise ande'ye sombo'faye. Toya'caen tsa'caen vanamba tsu tise'yi que'ima tteya moeña.

Éxodo 8:25

Tsonsi faraónjan Moisés toya'caen Aarónme ttu'senga'faye manda. Tise'pa jisi qquen su: —Japa que'i Chiganga oque oraemba afeja. Tsa'ma va ande'ye sombombe'yi can'faja.

Éxodo 8:8

Tsama attepa faraónjan Moisés toya'caen Aarónme ttu'senga'faye manda. Tise'pa jisi qquen su: —Na'su Chigama iñajan'faja cuintsu ña'ñe toya'caen ña aindeccu'ye sapoma joqquitssiañe. Tsa'caen tsonsi gi que aindeccuma antteya cuintsu japa Na'su Chiganga oque oraemba afe'faye.