Éxodo 12:17 - Cofán: Chiga Tevaen'jen

¹⁷ Cupana'cco me'choa pan fiestama tsu poi canqque'fa fiestaen'jeña'cho. Nane tsesu a'ta gi ñajan que'i poiyi'ccoma Egipto'ye somboen. Tsangae tsu tsa'caen fiestaen'jeña'cho, que'i, toya'caen que'i omba'su dushundeccu'qque cuintsu injan'jemba tsa'caen tson'jen'faya'chove.

Éxodo 12:17 ပူးပေါင်းရင်းမြစ်များ

Éxodo 12:14

Ña tsa'caen tson'choma injan'jemba qui tsesu ccovu nepi'ninda rande fiestave ñane tson'faya'cho. Tsa'caen que'i tson'chota tsu tsangae jinchoya. Que'i omba'su dushundeccu'qque cuintsu injan'jemba tsa'caen tson'jen'faya'chove.

Éxodo 12:24

Va tson'choma que'i'qque injan'jensi tsu que'i omba'su dushundeccu'qque tsangae injan'jen'faya.

Éxodo 12:41

Nane tsa'caen cuatro ciento treinta canqque'fave nepi'cho a'ta tsu poiyi'cco israendeccu tsain'bitsse atapa'chondeccuja Na'su Chiga sundarondeqquia'caen tsa ande'ye sombo'fa.

Éxodo 12:6

Indipa tsu coirapa an'biaña'cho cuatro a'tave. Tsequi a'ta sime tsu poiyi'cco israendeccu tise'pa indipa an'bian'choma fi'tti'faya'cho.

Éxodo 34:18

“Cupana'cco me'choa pan fiestamajan fiestaen'jen'faja. Nane ña mandaqquia'caen tsu siete a'ta pa'cco tsa cupana'cco me'choa panma an'faya'cho. Tsa'caen que'i tson'fa'cho ccovu tsu Abib. Nane tsa ccovuni qui que'ija Egiptone sombo'fa.

Éxodo 7:5

Tsa'caen ña oshacho'choma Egiptoni canjaemba, israendeccuma somboensi tsu ñama Ñoa'me Na'su qquen egiptondeccuja in'jan'faya.

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.