Éxodo 12:14 - Cofán: Chiga Tevaen'jen

¹⁴ Ña tsa'caen tson'choma injan'jemba qui tsesu ccovu nepi'ninda rande fiestave ñane tson'faya'cho. Tsa'caen que'i tson'chota tsu tsangae jinchoya. Que'i omba'su dushundeccu'qque cuintsu injan'jemba tsa'caen tson'jen'faya'chove.

Éxodo 12:14 ပူးပေါင်းရင်းမြစ်များ

Éxodo 12:17

Cupana'cco me'choa pan fiestama tsu poi canqque'fa fiestaen'jeña'cho. Nane tsesu a'ta gi ñajan que'i poiyi'ccoma Egipto'ye somboen. Tsangae tsu tsa'caen fiestaen'jeña'cho, que'i, toya'caen que'i omba'su dushundeccu'qque cuintsu injan'jemba tsa'caen tson'jen'faya'chove.

Éxodo 12:24

Va tson'choma que'i'qque injan'jensi tsu que'i omba'su dushundeccu'qque tsangae injan'jen'faya.

Éxodo 12:6

Indipa tsu coirapa an'biaña'cho cuatro a'tave. Tsequi a'ta sime tsu poiyi'cco israendeccu tise'pa indipa an'bian'choma fi'tti'faya'cho.

Éxodo 5:1

Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’

Números 16:40

Tsa'caen tsu tson'fa cuintsu israendeccu tsama attepa jo'su Aarón dushundeccuyi tsu ñome'bama afe'jeye osha'fa qquen injan'jen'faye. Nane majañi'qque cca'ija tsa'caen catsepa Na'sunga afeye oshambi, Coré toya'caen tisia'caen in'jan'chondeccu paqquia'caen pasa'ne. Na'su Chiga Moisési'ccu Eleazarnga mandaqquia'caen tsu pa'ccoma tson'fa.

Mateo 26:13

Ñoa'me gi su: Poi ande'ye mani va ñotsse condase'choma condase'ta va pushesu tson'choma'qque tsu condase'faya. Tisema injan'jeñe tsu condase'faya.

Lucas 22:19

Tsomba Jesús panma isupa tsane'qque Chigama ñotsse afapa doñamba tise'panga attufaen qquen supa: —Vaja ña ai'vo tsu. Que'ine gi ña ai'voma afe. Tsa'cansi va panma an'da ña que'ine afe'choma injan'jen'faja.

Deuteronomio 6:8

Que'i tive tandan'fanga toya'caen otifaccunga'qque ña manda'choma tevaen'faja.

Josué 4:7

tise'panga conda'faja ma'caen Na'su Chiga a'i'ccu injancco'fa'cho cafon Jordán na'ema isesi na'en ai'je'cho pasa'choma. Tsa Jordán na'ema ise'je'ni tsu na'enjan ai'jembi. Va patu tsu tsangae Israel aindeccuma tise'pa va'ttinga ma'caen da'chove injaen'jeña.”