Éxodo 1:7 - Cofán: Chiga Tevaen'jen

⁷ Tsa'ma israendeccuja tsain'bio dushundeccuve an'biamba ñoa'me ti'tsse tsain'bitsse atapapa ti'tsse joccapitssia've da'fa. Nane tsa Egipto ande on'batsse tsu atapa'fa.

Éxodo 1:7 ပူးပေါင်းရင်းမြစ်များ

Génesis 1:20

Tsonsi Chigaja su: “Na'eñe osha'cho cansian jincho'chove attianjan. Toya'caen sefacconi'su qquendya'pa'ye osha'cho chhiririave attianjan cuintsu ande omba'ye chhaje'faye.”

Génesis 1:28

Agattoemba tise'pama ñotsse afapa su: “Ñotsse canse'pa atapa'faja cuintsu pa'cco ande on'batssiye. Nane pa'cco andeni can'jemba osha'choma patsupa manda'faja. Na'en'su avu, sefani'su chhiriria, osha'cho andeni canseqque'suma'qque patsupa manda'faja.”

Génesis 12:2

Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Génesis 13:16

Ña anttesi tsu tsendeccuja ande'su sisipa'caen tsain'bitssia've da'faya. Nane sisipafo'choma agattoye oshambiqquia'caen tsu que dutssiyendeccuja agatto'ma'sia've da'faya.

Génesis 15:5

Tsa'caen supa Na'suja Abramma tsoteni angapa su: —Sefacconima ñotsse camba o'fema agattocanjan; da osha've'se qui. Nane tsa'caen tsu que dutssiyendeccuja agattoye oshambi'tsse atapaya.

Génesis 17:16

Ñajan tisema ñotsse tsoñe in'jamba gi du'shuve tisenga afeya. Ju, ñoa'me gi tisema ñotsse tsoña. Tise tsu tsain'bitssi aindeccumbe mamaña. Nane tise omba'su dushundeccu tsu tsain'bio ande'su nasundeccuve dapa manda'faya.

Génesis 22:17

Que omba'su dutssiyendeccuma gi tsain'bitsse ñotsse tsoña. Nane tise'pama gi atapoeña cuintsu sefacconi'su o'fema agattoye oshambiqquia'caen, marni'su sisipafo'choma agattoye oshambiqquia'caen, tise'pama'qque agattoye osha'fambiye. Toya'caen tise'pama egae tsonsundeccuma'qque tsu patsu'faya.

Génesis 26:22

Tsa'caen tsincon'fasi Isaacja tse'ttie sombopa biani japa faesu posove dyan'dya. Tsa posonejan iyicco'fambisi “Se'piccombi'choa” qquen inisian. Tsa'caen inisiamba su: “Ja'ño tsu Na'su Chigaja antte ingi se'piccombe va andeni cansepa ti'tsse'tssia've daye.”

Génesis 26:4

Que omba'su dushundeccuma gi atapoeña sefacconi'su o'feacan'tsse. Tsomba gi pa'cco va andema afeya. Toya'caen gi que omba'su dushundeccui'ccu poi ande'su aindeccuma ñotsse tsoña.

Génesis 28:14

Nane tsendeccu tsu atapa'faya tsain'bitssi sisipa andeni jinqquia'cantsse. Tsa'caen atapapa tsu attufacco'faya majandeccuja cambajufanga, majandeccuja sepaccofanga, majandeccuja tansinfanga, toya'caen majandeccuja pavefanga. Nane tsa'caen attufapa tsu que, tisu omba'su dushundeccu'qque poi ande'su aindeccuma ñotsse tson'faya.

Génesis 35:11

ti'tsse qquen su: “Ña gi Osha'choma Oshacho'cho Chiga. Tsain'bitssi du'shuve an'biamba qui omba'su dushundeccuve'qque tsain'bitsse atapaja. Nane que'ye tsu tsain'bio aindeccuve sombopa fae naccuve da'faya. Tsa que omba'su dutssiyendeccu'su tsu nasundeccuve da'faya.

Génesis 46:3

Tsa'caen susi Chigaja su: —Ña gi Chiga Quitsa, que yaya'yembe Chiga. Dyombe'yi Egiptoni jaja. Nane tseni gi que omba'su dushundeccuve tsain'bitsse atapoeña.

Génesis 47:27

Israendeccuja Egipto ande'su Gosén andeni can'jemba tsao'ñamba canse'fa. Tsa'caen cansepa tsain'bitssi a'ive atapa'fa.

Génesis 48:16

Toya'caen quema sefacconi'su shondo'suja osha'cho ega'ye ñama ccushaen. Chigáne va ña dushundeccuma ñotsse tsonjan cuintsu tsendeccu'ye ña inisema aqque'pambitsse canse'faye; toya'caen ña yayandeccu, Abraham'ye toya'caen Isaac'ye inisema'qque injan'jen'faye. Va dushundeccuma ñotsse tsonjan cuintsu tsain'bie atapapa poi ande on'batsse canse'faye.”

Génesis 48:4

qquen su: ‘Que canjan, ña gi tsoña cuintsu queja tsain'bio du'shuve atapasi que omba'su dushundeccu'qque tsain'bio ande'suve dapa fae naccufaya'chove. Toya'caen gi que omba'su dushundeccunga va andema afeya. Afesi tsangae tsu tise'pambeve daya.’

Génesis 9:1

Chigaja Noé, tise dutssiyendeccuma'qque ñotsse tsoñe in'jamba qquen su: “Pa'cco andeni japa can'jemba atapa'faja.

Salmos 105:24

Can'jensi Chigaja tise aindeccuma atapoemba injan'tssia've tsomba Egiptondeccuma ti'tsse quin'anme tson.

Éxodo 1:12

Tsa'ma tsa'caen vanae'fa'ni'qque ti'tsse atapaji'fa. Atapaji'fasi poiyi'cco egiptondeccuja ñoa'me dyo'fa.

Éxodo 12:37

Israendeccuja Ramsés canqquene sombopa Sucotni ja'fa. Nane pushesu, du'shuma'qque agattombe'yi jo'su coenza tsandiendeccuveyi agattosi tsu seisciento mil a'i'fa.

Éxodo 5:5

Toya'caen tsu faraónjan su: —¿Ja'ñojan tsain'bio israendeccu va andeni can'jensi ti qui tise'pa sema'bama anttiañe in'jan'fa?

Tson'fa'cho 13:17

Ingi israendeccumbe Chigaja, ingi tayopi'su coenzandeccuma in'jamba ttu'se. Toya Egiptoni cca'imbe andeni can'jeinte Chiga tise'pama fuitesi tsain'bitsse atapa'fa. Tsonsi Chiga Tise osha'choma oshacho'choma canjaemba ingi tayopi'su coenzandeccuma tsa ande'ye somboen.