Éxodo 1:14 - Cofán: Chiga Tevaen'jen

¹⁴ Tsa'caen tsu tson'fa cuintsu ñombi'ye'sui'ccu semamba apichama tssipoemba tsanga tsu'tsu chapiamba ladriyove ñoña'faye. Toya'caen pa'cco nasipa'su sema'banga'qque tsu manda'fa. Tsa'caen tsu israendeccuma quian'me semoemba ñoa'me vanae'fa.

Éxodo 1:14 ပူးပေါင်းရင်းမြစ်များ

Génesis 15:13

Tsa'caen dyosi Na'suja tisema su: —Atesuya'cho tsu que dutssiyendeccu faesu andeni can'jemba tsenima aqquiatsse ganambe semasundeccuve da'faya'choma. Tsa'caen dapa tsu cuatro ciento canqque'fave me'detsse vana'faya.

1 Reyes 12:14

Nane chu'a tsandiendeccu in'jan'choma afa cuintsu tise yaya'ye sema'jen'cho panshaen aye'pa'ta tise'beja ti'tsse aiye'paye. Toya'caen tise yaya'yembe semoesundeccu utuqui'fai'ccu ma'ppipa semoen'ninda cuintsu tise'be semoesundeccuja nojansifai'ccu ma'ppipa semoen'faye.

Éxodo 1:11

Tsa'caen in'jamba egiptondeccuja mandasundeccuve ccutsiamba manda'fa cuintsu israendeccuma aiye'pa semambanga ca'nia'faye. Tsa'caen ca'niamba manda'fa cuintsu Pitón canqque toya'caen Ramsés canqqueve ñoña'faye. Nane egipto'su na'su faraónda tsu tsa canqqueve ñoña'faye manda tise an'bian'cho trigoma tseni boñañe.

Éxodo 1:13

Tsa'caen dyopa egiptondeccuja israendeccuma ñoa'me aiye'pa sema'banga ca'nia'fa.

Éxodo 1:15

Toya'caen tsu egipto'su na'suja hebreo'su du'shuma isiansundeccu, Sifra toya'caen Fúanga, qquen afa:

Éxodo 2:23

Tsa'caen jasi can'jemba egipto'su na'suja pa. Israendeccuja ñoa'me vana'jemba ñombi'yepa fundo'je'fa tise'pa sema'suve tsangae ca'ni'choma asi'ttaemba. Tsa'caen ina'jen'fa'choma Chigaja pañamba

Éxodo 20:2

“Ña gi Na'su, que Chiga, que Egiptoni tsangae sema'suve da'cho'ye somboen'su.

Números 20:15

Nane ingi tayopi'su coenzandeccuja Egiptoni japa bo'tsse tseni canse'fa. Tsa'ma egiptondeccuja ingima in'jangae tsincon'fa ingi tayopi'su coenzandeccuma tsinconqquia'caeñi.

Tson'fa'cho 7:19

Tsa'camba ingi tayopi'su coenzandeccuma'qque chi'gapa patsuye in'jamba tise'pama afopoemba vanae. Nane tsa'caen vanaemba manda tsandie du'shuve isu'ta cuintsu cati'faye a'i panshaen atapasa'ne.

Tson'fa'cho 7:34

Atte gi ña a'i Egiptoni vana'jen'choma. Paña gi tise'pa attuse'je'fa'choma. Tsa'camba gi ji tsendeccuma tise'pa vana'jen'cho'ye somboemba ño'faeñe. Ja'ñojan que jija, ña quema mandamoeñe Egiptoni.”

Rut 1:20

Pañamba Noemíjan su: —Ja'ño ñama su'fajama ‘Noemí’ (ansintssi qquen suye). Tsa'ma ñama su'faja ‘Mara’ (inza'o qquen suye). Ñoa'me tsu Osha'choma Oshacho'cho Chigaja ña canse'choma inza'e tson.