Esdras 6:14 - Cofán: Chiga Tevaen'jen

¹⁴ Tsa'caen anttesi Judá'su nasundeccuja tsaoña'jen'choma ccase ashaen'fa. Nane Chigama afasundeccu, Hageo, toya'caen Ido dutssi'ye Zacarías, suqquia'caen tsu ccase ashaen'fa. Israel Chiga mandaqquia'caen tsu tsa'oma nani'fa. Nane Persia'su nasundeccu, Ciro, Darío toya'caen Artajerjes manda'fasi tsu tsa'caen nani'fa.

Esdras 6:14 ပူးပေါင်းရင်းမြစ်များ

Esdras 3:8

Salatiel dutssi'ye Zorobabel, Josadac dutssi'ye Josué, tise'pama fuite'su Chigama afasundeccu, levítandeccu, poiyi'cco Babiloniani can'jemba Jerusaléni ji'chondeccu Chiga ettive tsao'ñañe ashaen'fa. Nane Jerusaléni can'jemba segundo canqque'fa, segundo ccovuve tsu ashaen'fa. Majan levítandeccu veinte canqque'fama ti'tsse an'bian'chondeccuma tsu manda'fa semoesundeccuve.

Esdras 5:1

Chiga Aya'fama afasundeccu, Hageo, toya'caen Ido dutssi'ye Zacarías, Na'su Israel Chiga su'choma condase'fa Jerusaléni'su israendeccunga toya'caen poiyi'cco Judá'su israendeccunga.

Esdras 5:2

Chiga Aya'fama condase'fasi Salatiel dutssi'ye Zorobabel, Josadac dutssi'ye Josué'qque pañamba manda'fa cuintsu sema'faye Chiga ettive Jerusaléni ccase tsao'ñañe. Mandasi aindeccu ccase sema'jen'fasi Chiga Aya'fama afasundeccu'qque tise'pama fuite'je'fa. Ccase semañe ashaen'fa'choma pañamba ti'tsse'tssia gobernador, Tatnaija, jipa qquen iñajampaña: “¿Majan mandasi qui qquen tsaoña'jen'fa?” Tsa'caen iñajampañasi Zorobabelja tisenga conda ma'caen na'su Ciro mandasi tsa'caen tsaoña'jen'choma. Tsonsi Tatnaijan tevaen'jema moe Persia'su na'su Daríonga tayo'su Ciro manda'chone atesuye. Darío tta'ttaye mandasi attepa afesi Tatnainga tevaemba manda cuintsu israendeccuma antteye Ciro mandaqquia'caen Chiga ettive tsao'ña'faye.

Nehemías 6:15

Elul ccovu, a'ta veinte y cinconi tsu ttuccuma nani'fa. Nane pa'cco sema'cho tsu cincuenta y dos a'ta.

Zacarías 1:1

Na'su Darío, tise manda'je'cho canqque'fa dos, ccovu ochove, tsu Na'su Chigaja Chiga Aya'fama afa'su Zacaríasnga condase. Nane Zacarías yaya tsu Berequías, tsa Ido dutssi'ye.