Esdras 1:5 - Cofán: Chiga Tevaen'jen

⁵ Ciro tsa'caen mandasi poiyi'cco majama Chiga in'jaensi ñoña'fa Jerusaléni japa Na'su Chiga ettive tsao'ñañe. Nane poi Judá'su toya'caen Benjamín'su antian nasundeccu, Chigama afasundeccu, toya'caen levítasundeccu tsu tsa'caen ñoña'fa.

Esdras 1:5 ပူးပေါင်းရင်းမြစ်များ

Esdras 1:1

Persia ande'su na'su, Ciro, mandaye ashaensi tsa canqque'fanga Na'su Chigaja tisema in'jaen cuintsu Chiga aya'fama afa'su Jeremías, Na'su tayopi mandasi suqquia'caen tsoñe. Tsa'caen in'jaensi Ciroja tsama in'jamba qquen tevaemba ma'da máñejan cuintsu poi tise manda'je'cho canqqueni japa tsama conda'faye:

Esdras 1:2

“Ña, Ciro, gi Persia'su na'su qquen su: Na'su, Sefacconi'su Chiga tsu ñama poi ande'su na'suve tsomba ñama manda tisema iñajan'jen'cho tsa'ove Judá ande'su Jerusalén canqqueni tsao'ñañe.

Esdras 1:4

Toya'caen gi manda cuintsu majan jayimbindeqquiaja tsaoña'su jayisundeccuma fuite'faye; nane cori, totoacori, osha'cho tise'pa canseqque'suma, aiña'choma'qque afe'faya'cho. Toya'caen tsu ma'caen osha'ta osha'choma fuite'faya'cho cuintsu Chiga ettima ñotsse tsao'ña'faye.”

Nehemías 2:12

cose jangipa majan faesu tsandiendeccui'ccu canqquema can'su ja. Nane toya majangayi'qque condambi gi Na'su Chiga ñama in'jaensi Jerusalénma ma'caen tsoña'choma. Ñajan boronga otsepa jasi ñai'ccu fae'ngae jacansundeccuja tsu'ttengae tsuipa ja'fa.

2 Corinto'su 8:16

Ña que'ima in'janqquia'caen Tito'qque fae'ngae que'ima in'jan. Chiga tisema tsa'caen in'jaensi gi avujatsse Chiganga ñotsse afa.

Filipo'su 2:13

Nane Chigaja ñoa'me que'ini can'jemba fuite'je. Tise ñotsse in'jan'choi'ccu que'ima in'jaemba que'ima fuiteya tsa'caen tson'faye.

3 Juan 1:11

Ña in'jan'cho, cca'ia'caen egae tsinconjama. Tsa'ma ñotssiave attepa tsa'caen tsonjan. Majan ñotsse tson'chota Chigama atesu'cho tsu. Tsa'ma majan egae tsincon'chota ñoa'me Chigama atesumbi'choa tsu.