Efeso'su 6:4 - Cofán: Chiga Tevaen'jen

⁴ Yayandeccu, que'i dushundeccuma panshaen iyu'ujama iyicca'ye'fasa'ne. Tsa'ma tansintsse atesiamba coeñaña'cho. Na'su Chiga nafattianqquia'caen tise'pama nafattiamba atesiaña'cho.

Efeso'su 6:4 ပူးပေါင်းရင်းမြစ်များ

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

Proverbios 22:6

Ma'caen ñotsse canseye du'shuma ñotsse nafattian'faja. Tsa'caen nafattiansi tsu ccashe'yeve da'a'qque ñotsse canseya.

Efeso'su 6:3

“Tsa'caen tise'pama in'jamba qui avujatsse can'jemba bo'tsse va andeni canse'faya.”

Deuteronomio 6:7

Anttembe'yi que'i dushundeccunga'qque tsama condase'faja. Tisu tsaoni dyai'a'qque tsambi'ta tsaiqui'ye jayi'a'qque tsane condase'faja. Nane anañe ccui'a'qque, toya'caen sinte qquendyapa jangi'a'qque tsane condase'faja.

Colosa'su 3:21

Quitsandeccu, que'i dushundeccuma panshaen iyu'ujama tise'pa panshaen ñombi'yepa ñoquimbi'fasa'ne.

2 Timoteoga 1:5

Que tansintsse Cristove in'jan'choma gi injan'jen. Que mamaccashe Loida o'tie tsa'caen in'jansi que mama Eunise'qque in'jan. Tsendeccu in'jansi que'qque tsa'caen in'jamba canse qquen gi in'jan.

2 Timoteoga 3:15

Toya chuite qui Chiga Tevaen'jema paña'je'an. Nane tsa Chiga Tevaen'jen tsu quema in'jaeñe osha cuintsu que atesupa Jesucristove in'jamba ccushaye.

Jueces 13:12

Tsonsi Manoa tisema iñajampaña: —¿Minga'ni que inginga su'cho nepi'ninda, ma'caen tsomba gi tsa du'shuma coeña'faya'cho? ¿Mingae gi tsai'ccu tson'faya?